Saılaý kúni bazarlar men saýda úıleriniń jumysy shekteýli bolady

Saılaý kúni Nur-Sultan men Almatyda kóptegen bazarlar men saýda úıleriniń (SÚ) jumysy shekteýli bolady, dep habarlady QazTAG HAA tilshisi.
«Saǵat 12-ge deıin (Nur-Sultan bazarlary – QazTAG) jumys jasamaıdy. Biraq barlyǵy emes, biraq «Artem» ıá, shamamen 12.00-ge deıin jumys jasamaıdy, halyq saılaýǵa baryp daýys berý úshin, kúni boıy emes, saǵat 9.00-12.00 deıin ǵana bar bolǵany úsh saǵat qana jumys jasamaıdy, kásipkerler saılaýǵa baryp daýys berý úshin. Ol jerde de adamdar jumys jasaıdy ǵoı, mine solar baryp daýys berip qaıtqylary keledi, bul bastamany solar kóterip otyr, ózderi aıtady: «Bizge daýys berýge barýǵa ýaqyt beredi», mine barlyǵy barǵysy keledi», — dep málimdedi juma kúni QazTAG HAA tilshisine Nur-Sultan kásipkerlikti damytý jáne ınvestıııa baqarmasynan.
Sonymen qatar belgili bolǵandaı, 9 maýsym kúni Almatydaǵy keıbir bazarlar da jumys jasamaıdy.
Atap aıtsaq, jeksenbi kúni «Adem» saýda úıi tolyǵymen kúni-boıy jabyq bolady. Bul týraly saýdagerlerge SÚ ákimshiligi aıtqan, alaıda QazTAG HAA tilishisimen suhbattasqan «Adem» saýdageri jabylý sebebin olarǵa túsindirmegenin aıtty. Jáne saýda úıiniń ákimshiligi SÚ jabylýy men saılaý arasyndaǵy tikeleı baılanystyń bar-joǵyn naqtylamady.
«Bul jeksenbide jumys jasamaımyz – sanıtarlyq kún», — dep málimdedi «Adem» ákimshiliginen.
Al, «Jasyl bazar» jumys jasaıdy – bul aqparatty QazTAG HAA-ǵa bazardyń bas dırektory Erlan Qalıev rastady.
Eske salsaq, 19 naýryzda Qazaqstannyń tuńǵysh prezıdenti Nursultan Nazarbaev memleket basshysy laýazymyndaǵy óz ókilettigin 2019 jyldyń 20 naýryzynan bastap toqtatatyny týraly jarlyqqa qol qoıǵan edi. Kelesi prezıdent saılaýyna deıin eldi ýaqytsha senattyń eks-spıkeri Toqaev basqarady.
9 sáýirde Qazaqstan prezıdenti Qasym-Jomart Toqaev halyqqa úndeý jarııalady, ol úndeýde 2019 jyldyń 9 maýsymynda kezekten tys prezıdent saılaýy ótetin málimdedi. Kandıdattardy usyný 28 sáýirde, al olardy tirkeý 6 mamyrda aıaqtaldy. 11 mamyrda elde úgit kampanııasy bastaldy.
Qazaqstandaǵy basty laýazymǵa jeti adam talasatyn bolady, sonyń ishinde Toqaev ta bar.

QazTAG – Mádına Álimhanova/Sogdııana Idrısova. https://kaztag.kz/kz/news/saylau-k-ni-n-r-s-ltan-men-almatyda-k-ptegen-bazarlar-men-s-zh-mysy-shekteuli-bolady-