Sheteldegi qazaq oqýshylary arasynda ádebı baıqaý ótti

Shetelde turatyn qazaq dıasporasynyń oqýshylary arasynda «Uly Dala Eli» ádebı jumystardyń halyqaralyq shyǵarmashylyq baıqaýy ótti.

Qazaqstan Respýblıkasy Aqparattyq jáne Qoǵamdyq damý mınıstrligi, «Otandastar qory» KEAQ, Dúnıejúzi qazaqtarynyń qaýymdastyǵynyń uıymdastyrýymen shetelde turatyn qazaq dıasporasy oqýshylarynyń arasynda «Uly Dala Eli» atty halyqaralyq ádebı shyǵarmashylyq konkýrsy ótti.

Atalǵan báıgege shyǵarmalar osy kóktemniń 1 sáýirinen 30 mamyry aralyǵynda qabyldanǵan. Ústegi jyldyń 1-10 maýsym kúnderi qazylar alqasy kelip túsken jumystardy saraptap, qorytyndylaǵan.

Shetelde turatyn qazaq dıasporasy oqýshylary arasynda ótken «Uly Dala Eli» atty ádebı jumystardyń halyqaralyq shyǵarmashylyq baıqaýyna balalardyń 1- jas toby boıynsha baıqaýǵa 19 jumys, 2 — jas toby boıynsha 15 jumys kelip túsken. Baıqaýǵa qabyldanǵan barlyq 34 jumysty komıssııa músheleri iriktedi. Onda eń basty krıterıı retinde jumystyń taqyryby men ózekti oıynyń sáıkestigi basty nazarda boldy. Sondaı-aq, taqyryptyń tolyq ashylýy, oıdyń berilý tásili sııaqty tetikterge súıendi.

«Jalpy shyǵarmalardyń barlyǵy da taqyrypqa saı jazylǵan. Balalar negizgi ıdeıany ashýǵa tyrysqan. Alaıda jumystardyń keıbiri taqyrypty tolyq ashylmaı jatyr. Onyń basty sebepteriniń biri – keıbiriniń tym qysqa bolýy, endi bireýleriniń tek baıandaý men sıpattaýǵa ǵana qurýlýy syndy qatelikter oryn alǵan. Kóbine qurǵaq faktilerdi tizip shyǵý (máselen, elimizdiń tarıhyna baılanysty, t.s.s.) syndy olqylyqtar oryn alyp otyr. Degenmen, essege qoıylatyn talaptardyń barlyǵyn saqtaı otyryp, ózindik oı-tujyrymdaryn erekshe tásilmen bere bilgen oqýshylar da bar. Ásirese, I jas tobynda (13-15 jas aralyǵyndaǵy balalar) Soltanov Raıhat, Asylbasheva Kamılıa, Baıtýlla Batanuly, Sýleımenov Masalım sııaqty jas talanttardyń, sol sııaqty II jas tobynda (16-18 jas aralyǵyndaǵy oqýshylar) Erkinbek Aqtoty, Amenova Alıma, Bektur Abdýlhakım, Hastı Abdolázız syndy jetkinshekterdiń eńbekterin erekshe atap ótkimiz keledi», — deıdi qazylar alqasynyń múshesi Aınur Amangeldiqyzy. Aıta keteıik, qazylar alqasynyń quramynda S. Seıfýllın atyndaǵy Qazaq agrotehnıkalyq ýnıversıtetiniń oqytýshylary Aınur Amangeldiqyzy, Býlat Aıapbergenov jáne Gýljıhan Anýarbekqyzy syndy kásibı mamandar jumys atqardy.

Saraptama komıssııasynyń sheshimi boıynsha I jas toby 13-15 jas aralyǵy boıynsha: 1-oryn. Soltanov Raıhat,  2-oryn. Asylbasheva Kamılıa, 3-oryn. Baıtýlla Batanuly, 4-oryn. Sýleımenov Masalım buıyrsa, II jas toby 16-18 jas aralyǵy boıynsha: 1-oryn. Erkinbek Aqtoty, 2-oryn. Hastı Abdolázız, 3-oryn. Amenova Alımaǵa, 4-oryn. Bektur Abdýlhakımge buıyrdy.

Jeńiske jetken 8 qatysýshydan  4 úzdik jumys avtorlary Soltanov Raıhat (Reseı), Asylbasheva Kamılıa (Shveııa), Erkinbek Aqtoty (Mońǵolııa), Hastı Abdolázız (Iran) Atamekeni Qazaqstanǵa keletin joldama jeńip aldy.