Ánshi Meırambek Besbaev endi kıno túsirmek

Qatesiz týyndy usynǵym keledi: Meırambek Besbaev Estaı týraly kıno túsirmek. Bul týraly ánshi «Erejesiz áńgime» baǵdarlamasynda aıtty.

Belgili ánshi tarıhı kıno túsirip, ózin jańa qyrynan kórsetpek. M.Besbaev kıno óndiriske bet burǵanymen, týyndynyń negizgi maǵynasy ánnen alystaıtynyn aıtty. Qazir «Qusnı-Qorlan» ániniń avtory Estaı týraly kıno túsirý oıǵa alǵan. Barynsha qatesiz týyndy túsirýdi kózdeıdi Meırambek Besbaev.

«Estaı babamyz týraly. Jalpy sol kisiniń ómirbaıany meni qatty qyzyqtyrady. «Qusnı-Qorlan» degen úlken óleń ekenin bilesizder. Sonshalyqty Qorlan sulý ma edi? Álde sol kezdegi jaǵdaı sebep boldy ma? Ánniń tarıhta qalýyna ne túrtki boldy? Estaı atamyz kim? Atamyzdyń búkil ómirbaıanyn bir jyldaı zerttedik. Qazir barymdy salyp, tarıhı bir kıno túsirý armanym. Qazaq fılmniń qoryna qatesiz, ómirbaıanynan qate ketpegen jaqsy dúnıe jasaǵym keledi. Teńizge quıǵan tamshydaı úlesim bolǵanyn qalaımyn», — deıdi Meırambek Besbaev.

Sonymen qatar ánshi kınodan basty róldi kim somdaıtynyn da aıtyp berdi. О́z týyndysyn Meırambek Besbaev kásibı mamandardyń qolyna tapsyrmaq.

«Tarıhı úlken dúnıe jasasaq pa dep otyrmyz. Qol jetkize alsaq jaqsy bolar edi. Mindetti túrde men oınaımyn degen sóz emes. Ol kásibı akter bolady. Qazir sol jumysqa kirisip jatyrmyz», — deıdi ol.