الماتىدا الكوگول ونىمدەرىنىڭ بەس جاسىرىن تسەحى انىقتالدى

الماتى قالاسى بويىنشا ەكونوميكالىق تەرگەۋلەر دەپارتامەنتىنىڭ قىزمەتكەرلەرى الكوگولدىڭ كولەڭكەلى اينالىمىن انىقتاۋعا باعىتتالعان دوڭگەلەك ۇستەل وتكىزدى, دەپ حابارلايدى قازاقپارات.

جيىنعا شاراپ جانە اراق ونىمدەرىن شىعاراتىن زاۋىتتاردىڭ وكىلدەرى مەن سپيرتتىك ىشىمدىكتەردىڭ ديستريبيۋتورلارى قاتىستى. دوڭگەلەك ۇستەل بارىسىندا باسقارما باسشىسى باحتيار جۇزەنوۆ سپيرت پەن الكوگولدىڭ كولەڭكەلى اينالىمىن ازايتۋ ماقساتىندا دەپارتامەنتتىڭ جەدەل قىزمەتكەرلەرى جۇمىس ىستەپ جاتقانىن ايتتى. بۇل توپ كونترافاكتىلىك (جالعان) سپيرتتىك ىشىمدىكتەر وندىرۋمەن جانە ساتۋمەن, جالعان تىركەۋ, باقىلاۋ بەلگىلەرىمەن, سونداي-اق بەلگىلەر قويۋمەن اينالىساتىن قىلمىستىق توپتاردى انىقتاۋعا باعىتتالعان. «ءبىرىنشى جارتىجىلدىقتىڭ قورىتىندىسى بويىنشا, الماتى قالاسىنىڭ اۋماعىندا الكوگول ءونىمىن وندىرەتىن 5 جاسىرىن تسەح انىقتالدى. جالعان اكتسيزدىك ماركالاردى ساتۋدىڭ 3 فاكتىسى تىركەلدى. ناتيجەسىندە سوتقا دەيىنگى 8 ءىس قوزعالدى», – دەپ حابارلايدى دەپارتامەنتەگىلەر.

دوڭگەلەك ۇستەلدىڭ قورىتىندىسىنا سايكەس, الماتى قالاسىندا سپيرتتىك ىشىمدىكتىڭ كولەڭكەلى اينالىمىن شەكتەۋ بويىنشا ىنتىماقتاستىق تۋرالى شەشىم قابىلداندى.

دەرەككوز: https://24.kz/kz/zha-aly-tar/o-am/item/334820-almatyda-alkogol-nimderini-bes-zhasyryn-tsekhy-any-taldy