ءبىلىم
1-سىنىپقا الىپپە قايتارىلادى
ءبىلىم جانە عىلىم ءمينيسترى اسحات ايماعامبەتوۆ تامىز كونفەرەنتسياسىندا مەكتەپ باعدارلاماسىنان الىنىپ تاستالعان الىپپە 2021 جىلى قايتا ەنگىزىلەتىنىن ايتتى.
«الىپپە ماسەلەسىن كوپتەن بەرى ۇستازدارىمىز, اتا-انالار كوتەرىپ ءجۇر. بۇل ماسەلە ماڭىزدى. ءبىز الىپپەنى قايتارۋ كەرەك دەپ ەسەپتەيمىز. ول 2021 جىلى وزدەرىڭىزگە جاقسى تانىس قازاق تىلىنە بەيىمدەلگەن احمەت بايتۇرسىنوۆتىڭ ادىستەمەسى نەگىزىندە ەنگىزىلەدى. ءبىز قازىر وسىعان بايلانىستى جۇمىس جۇرگىزىپ جاتىرمىز», — دەدى ايماعامبەتوۆ.
مينيستر الىپپەنىڭ بىرنەشە نۇسقاسى قاراستىرىلعانىن, الايدا باسپالاردىڭ «قيسىنسىز» نۇسقالارىنان سوڭ بايتۇرسىنوۆتىڭ ادىستەمەسىنە توقتالعانىن ايتتى.
«ءبىر باسپا 11 داۋىسسىز, 11 داۋىستى دىبىس بار الىپپەنى اكەلەدى. ەندى ءبىر باسپا 4 داۋىسسىز, 4 داۋىستى دىبىس بار الىپپەنى ۇسىنادى. نەگە ولاي ەكەنىن سۇراعاندا ەشكىم ناقتى جاۋاپ بەرە المايدى. الىپپە ەكسپەريمەنت جاسايتىن نارسە ەمەس. ناقتى قازاق تىلىنە بەيىمدەلگەن ادىستەمە بار. سوندىقتان ەشتەڭەنى ويدان شىعارماي وسى ادىستەمە نەگىزىندە جۇمىس جۇرگىزەمىز», — دەدى مينيستر.
پرەزيدەنت اۋىل مەكتەپتەرىنە ۇزدىك مەنەدجەرلەر مەن ۇستازداردى تارتۋدى تاپسىرعانى تۋرالى وسىعان دەيىن حابارلاعانبىز.
سونداي-اق تامىز كونفەرەنتسياسى بارىسىندا مەملەكەت باسشىسى قاسىم-جومارت توقاەۆ مۇعالىمنىڭ ەڭبەگىن لايىقتى باعالاۋ قاجەت ەكەنىن ايتتى جانە ۇستازداردىڭ جالاقىسىن ەكى ەسە ءوسىرۋدى تاپسىردى. سونىمەن قاتار پرەزيدەنت اعىلشىن ءتىلىن 2-3-سىنىپتاردان باستاپ وقىتۋ ورىندى ەكەنىن اتاپ ءوتتى.
نازەركە ابيبۋللا
فوتو: ارتيوم چۋرسينوۆ
