6 jasar balalardy balabaqshadan shyǵarý merzimi ózgeredi

Balalardyń balabaqshaǵa barý kestesi qaıta qaralady. Bul týraly bilim jáne ǵylym mınıstri Ashat Aımaǵambetov dástúrli Tamyz konferenııasynda málimdedi.

«Bilim jáne ǵylym mınıstrligi mektepke deıingi sapaly bilim berýge qoljetimdilikti qamtamasyz etý boıynsha jumystardy jalǵastyrady. Elbasynyń tapsyrmasy boıynsha 2019 jyly 1 qyrkúıekten bastap balalardy erte jastan damytý baǵdarlamasy engiziledi. Búginde eki jastaǵy balalardy qamtý máselesi ózekti bolyp otyr. О́zderińiz biletindeı, 3-ten 6 jas dedik. 6 jastyń kóbi 1-synypqa baryp jatyr. Sondyqtan eki jastaǵy balalardy qamtý máselesin kóterý qajet», – dedi Aımaǵambetov Táýelsizdik saraıynda ótip jatqan Tamyz konferenııasynda.

Mınıstr balalardyń balabaqshaǵa barý kestesin qaıta qaraý qajet ekenin aıta ketti.

«6 jastaǵy balalardy balabaqshadan mamyr aıynan bastap shyǵarý tájirıbesin toqtatý kerek dep sanaımyz. Balalardyń balabaqshaǵa barý ýaqytyn tamyz aıyna deıin uzartyp, sońǵy aılarda, mysaly 5 jasar jáne mektepaldy daıarlyq toptaryn mektepke daıyndaý úshin paıdalaný kerek. Bul tarapta arnaıy baǵdalamany daıyndaımyz», – dedi vedomstvo basshysy.

Derekkóz: BAQ.KZ
Nazerke ABIBÝLLA