Almaty ákimi shyǵarǵan eki sheshimin túsindirdi

Almaty ákimi Baqytjan Saǵyntaev qala joldaryna qatysty shyǵarǵan eki sheshimin túsindirdi, — dep habarlaıdy Tengrinews.kz tilshisi. О́zgeristerdiń biri qalanyń keı kóshelerindegi jyldamdyqty saǵatyna 80 shaqyrym kórsetkishine deıin ósirý, ekinshisi — velojol máselesi. «Búgin eki sheshim qabyldaý arqyly qoǵamdyq pikirtalastarǵa núkte qoıdym.

1) Qalanyń negizgi tranzıttik magıstraldary — ál-Farabı dańǵyly men Shyǵys aınalma avtojolyna saǵatyna 80 shaqyrym jyldamdyq rejımin qaıtardyq. Buǵan qalalyq Qoǵamdyq keńesiniń usynystary men qala turǵyndarynyń ótinishteri sep boldy. Sondaı-aq qala joldaryndaǵy qaýipsizdikti qamtamasyz etip, ólim-jitimdi azaıtý úshin qosymsha sharalar qabyldaımyz.
2) Qonaev pen Baıtursynov kóshelerindegi velojol máselesin retke keltirdik. Qozǵalysy eki jaqqa baǵyttalatyn bir velojoldy qaldyramyz (Mysaly, Shevchenko kóshesindegideı). Ekinshi velojoldyń ornyna kólik turaǵyn ornalastyramyz. Bul sheshim atalǵan kóshelerde ornalasqan ShOB-ty qoldaý maqsatynda engizildi. Polıııa departamenti men qalalyq mobıldi basqarmasy, kásipkerlik jáne ınvestıııa basqarmalary qabyldanǵan sheshimderdiń oryndalýyn qamtamasyz etýi tıis», — dep jazdy qala basshysy Instagram jelisinde.
Tolyǵyraq: https://kaz.tengrinews.kz/kazakhstan_news/almatyi-akm-shyigargan-ek-sheshmn-tusndrd-300449/