جاڭالىقتار
الماتى پوليتسياسى ەلىمىزدە زاڭسىز جۇرگەن 177 شەتەلدىكتى ۇستادى
الماتىدا زاڭسىز جۇرگەن شەتەلدىكتەردى انىقتاۋعا ارنالعان «زاڭسىز كەلىمسەك-2019» جالپىۇلتتىق جەدەل الدىن الۋ شاراسى باستالدى.
الماتىدا جەدەل الدىن الۋ شاراسى باستالدى. اكتسيا مەگاپوليستە زاڭسىز جۇرگەن ادامداردى انىقتاۋعا جانە زاڭسىز كوشى-قون ارنالارىن توقتاتۋعا باعىتتالعان. ىزدەستىرۋ جۇمىستارى 9 قىركۇيەكتەن 12 قىركۇيەككە دەيىن جالعاسادى.
«رەيدتىڭ العاشقى كۇنىندە قر كوشى-قون زاڭناماسىن بۇزعان 235 ادام انىقتالىپ, جاۋاپقا تارتىلدى. ونىڭ 177-ءسى — شەتەل ازاماتتارى. 46 ادامنىڭ ەلدە ءجۇرىپ-تۇرۋ مەرزىمى قىسقارتىلدى. 54 ازامات سوت شەشىمىمەن ەلدەن شىعارىلدى. قابىلداۋ جانە تاراتۋ ورتالىعىنا قۇجاتى جوق 64 شەتەلدىك ورنالاستىرىلدى. شەتەلدىكتەردىڭ قازاقستاندا ءجۇرىپ-تۇرۋ زاڭدىلىعىن قامتاماسىز ەتپەگەنى ءۇشىن 46 قازاقستاندىق اكىمشىلىك جاۋاپكەرشىلىككە تارتىلدى. سونىمەن بىرگە, 12 جۇمىس بەرۋشى شەتەلدىك جۇمىس كۇشىن تارتۋ ەرەجەلەرىن بۇزعانى ءۇشىن جاۋاپ بەرەدى», — دەيدى الماتى قالالىق پوليتسيا دەپارتامەنتىنىڭ كوشى-قون قىزمەتىنىڭ باستىعى اسحات بۋتۋنچينوۆ.
دەرەككوز: inform.kz
