Сиви Махмудидың бұрынғы күйеуіне іздеу жарияланды

Фото: ашық дереккөз

Танымал әнші Сиви Махмудидың бұрынғы күйеуі Аңсар Қажымұханұлына іздеу жарияланды. Бұл туралы  qandastar.kz Stan.kz ақпарат агенттігіне сілтеме жасап хабарлайды.

Жаңалықты сыбайлас жемқорлыққа қарсы іс-қимыл агенттігінің Астана қаласы бойынша департаменті мәлімдеді.

“Қазақстан Республикасының Сыбайлас жемқорлыққа қарсы іс-қимыл агенттігінің Астана қаласы бойынша департаменті іздеуді жүргізіп жатыр, – деп жазды Құқықтық статистика және арнайы есепке алу порталы.

Stan.kz тілшісі мән-жайды білмек болып, өнер иесіне хабарласты. Алайда тұтқаны әншінің директоры алып, түсіндіріп берді.

“Ол кісі де жаңалықтардан естіді. Бірақ екеуі бес жылдан бері бірге тұрмайды. Ол адамның не істеп жүргенінде шаруасы жоқ. Бұрынғы өмірі”, – деп қысқа қайырды арт-директор.

Еске салайық, «Күйеуім көшенің адамы болды» деп Сиви Махмуди балаларының әкесімен ажырасып кеткенін растаған еді.