ساياحاتقا شىققاندا جۇك سومكەسىن جوعالتىپ الماس ءۇشىن…

جاز مەزگىلى اياقتالعانمەن, ەندى ىستىق ەلدەرگە بارىپ دەمالاتىنداردىڭ قاتارى كوبەيەدى. ۋاقىت ۇنەمدەۋ ءۇشىن جۇمىس بابىمەن ساپارلايتىندار دا كوبىندە ۇشاقتى پايدالانادى.

جالپى, ساياحاتقا شىققاندا ەڭ ءبىرىنشى جۇك سومكەسىن جوعالتىپ الماۋ نەمەسە ۇرلاتىپ الماۋ قاۋپى تۋىندايدى. ونى كىم ۇرلايدى? زەرتتەۋلەر بويىنشا, اۋەجايداعى جۇك تاسۋشىلار نەمەسە وزگە ساياحاتشىلار, ءتىپتى كەي جەرلەردە قاۋىپسىزدىك قىزمەتىنىڭ ءوزى ۇرلاۋى مۇمكىن.

ال چەموداندى جوعالتپاۋ ءۇشىن نە ىستەۋ كەرەك?

ول ءۇشىن مۇمكىندىگىنشە قول جۇگىن الىپ جۇرۋگە كەڭەس بەرەمىز. سەبەبى قول سومكەسىن ۇستاۋ ارقىلى ءسىز ءوزىڭىزدىڭ زاتتارىڭىزدى اۋەجايعا كىرگەن ساتتەن باستاپ, باسقا قالادا جەتكەنشە وزىڭىزبەن بىرگە ۇستاپ جۇرە الاسىز.

سونىمەن قاتار ساياحاتقا قول سومكەسىمەن شىعۋ – وزىڭىزبەن بىرگە قاجەتى شامالى ارتىق زاتتاردى الىپ جۇرمەۋدىڭ تاپتىرماس ءتاسىلى. 10 كگ جۋىق سالماقتاعى جۇكتى وزىڭىزبەن بىرگە الىپ جۇرۋىڭىزگە بولادى. دەمەك, سومكەڭىزگە ىستىق جاققا دەمالۋعا قاجەتتى زاتتارىڭىزدى ەمىن-ەركىن سىيعىزا الاسىز.

قانداي چەمودان تاڭداعان دۇرىس?

ماتادان تىگىلگەن نەمەسە جۇقا چەموداندى وڭاي كەسۋگە نەمەسە اشۋعا بولادى. ءتىپتى ونىڭ قۇلپى دا ۇرىلاردان قورعاي الماۋى مۇمكىن. سوندىقتان نەعۇرلىم قاتتى چەمودان تاڭداعان دۇرىس. دەگەنمەن ونىڭ سالماعى دا اۋىر بولادى. چەمودانىڭىزعا ق ۇلىپ ساتىپ الۋدى دا ۇمىتپاڭىز. ساياحاتشىلارعا ارنالعان ق ۇلىپ الۋ قاجەت. اۋەجايدىڭ قاۋىپسىزدىك قىزمەتىندە بارلىق ارنايى ق ۇلىپتاردى اشاتىن امبەباپ كىلتى بولادى. ەگەر قاۋىپسىزدىك قىزمەتكەرى ءسىزدىڭ چەمودانىڭىزدى تەكسەرىپ شىعۋى كەرەك بولعان جاعدايدا ق ۇلىپتى اشا الماسا, ونى جاي عانا سىندىرا سالۋى مۇمكىن.

ءوز چەمودانىڭىزدى بەلگىلەپ الىڭىز

كوپتەگەن چەموداندار ءبىر-بىرىنە ۇقساس كەلەدى. سوندىقتان بىرەۋلەر ەشقانداي ارام ويسىز-اق ءسىزدىڭ جۇگىڭىزدى شاتاستىرىپ الىپ كەتۋى مۇمكىن.

بۇعان جول بەرمەۋ ءۇشىن چەمودانىڭىزدى ستيكەرلەرمەن, سۋرەتتەرمەن بەزەندىرىڭىز نەمەسە اتى-ءجونىڭىز بەن تەلەفون ءنومىرىڭىزدى جازىپ قويىڭىز. سونداي-اق, چەمودانىڭىز نەعۇرلىم كوزگە تۇسەتىندەي بولسا, جۇك جولاعىنان سوعۇرلىم تەزىرەك الا الاسىز. نوۋتبۋك, فوتواپپارات, زەرگەرلىك بۇيىمدار, قۇجاتتار جانە اقشا سياقتى باعالى زاتتاردى جۇك سومكەگە سالماعان ءجون. سەبەبى ەشكىم زاتتارىڭىزدىڭ جوعالمايتىنىنا كەپىلدىك بەرە المايدى.

جۇك سومكەڭىزگە سالىنعان بارلىق زاتتارىڭىزدى سۋرەتكە ءتۇسىرىپ نەمەسە ءتىزىمىن جازىپ العانىڭىز دۇرىس. ءبىر زاتىڭىز جوعالىپ كەتكەن جاعدايدا سول ارقىلى انىقتاي الاسىز. سەبەبى چەمودانعا سالىنعان زاتتاردى ەستە ساقتاپ قالۋ اۋەكومپانياسىنىڭ قىزمەتكەرلەرى مەن پوليتسيا قىزمەتكەرلەرىنە دالەل بولا المايدى.

جۇگىڭىزدى ساقتاندىرۋ قىزمەتىن ساتىپ الىڭىز

مۇنداي ۇسىنىستار ساقتاندىرۋ كومپانيالارىندا دا, سونداي-اق اۋەكومپانيالارىنىڭ وزدەرىندە دە بولادى. شارتتاردى مۇقيات وقىپ شىعىڭىز, كەيدە ساقتاندىرۋ تەك جوعالعان نەمەسە ب ۇلىنگەن جۇكتىڭ ورنىن تولتىرادى.

ەگەر ۇرلىقتان قورعانعىڭىز كەلسە, وندا وسى مۇمكىندىكتى ەسكەرەتىن ساقتاندىرۋدى ىزدەگەنىڭىز ءجون.

دەرەككوز: https://24.kz/