Saıahatqa shyqqanda júk sómkesin joǵaltyp almas úshin…

Jaz mezgili aıaqtalǵanmen, endi ystyq elderge baryp demalatyndardyń qatary kóbeıedi. Ýaqyt únemdeý úshin jumys babymen saparlaıtyndar da kóbinde ushaqty paıdalanady.

Jalpy, saıahatqa shyqqanda eń birinshi júk sómkesin joǵaltyp almaý nemese urlatyp almaý qaýpi týyndaıdy. Ony kim urlaıdy? Zertteýler boıynsha, áýejaıdaǵy júk tasýshylar nemese ózge saıahatshylar, tipti keı jerlerde qaýipsizdik qyzmetiniń ózi urlaýy múmkin.

Al chemodandy joǵaltpaý úshin ne isteý kerek?

Ol úshin múmkindiginshe qol júgin alyp júrýge keńes beremiz. Sebebi qol sómkesin ustaý arqyly siz ózińizdiń zattaryńyzdy áýejaıǵa kirgen sátten bastap, basqa qalada jetkenshe ózińizben birge ustap júre alasyz.

Sonymen qatar saıahatqa qol sómkesimen shyǵý – ózińizben birge qajeti shamaly artyq zattardy alyp júrmeýdiń taptyrmas tásili. 10 kg jýyq salmaqtaǵy júkti ózińizben birge alyp júrýińizge bolady. Demek, sómkeńizge ystyq jaqqa demalýǵa qajetti zattaryńyzdy emin-erkin syıǵyza alasyz.

Qandaı chemodan tańdaǵan durys?

Matadan tigilgen nemese juqa chemodandy ońaı kesýge nemese ashýǵa bolady. Tipti onyń qulpy da urylardan qorǵaı almaýy múmkin. Sondyqtan neǵurlym qatty chemodan tańdaǵan durys. Degenmen onyń salmaǵy da aýyr bolady. Chemodanyńyzǵa qulyp satyp alýdy da umytpańyz. Saıahatshylarǵa arnalǵan qulyp alý qajet. Áýejaıdyń qaýipsizdik qyzmetinde barlyq arnaıy qulyptardy ashatyn ámbebap kilti bolady. Eger qaýipsizdik qyzmetkeri sizdiń chemodanyńyzdy tekserip shyǵýy kerek bolǵan jaǵdaıda qulypty asha almasa, ony jaı ǵana syndyra salýy múmkin.

О́z chemodanyńyzdy belgilep alyńyz

Kóptegen chemodandar bir-birine uqsas keledi. Sondyqtan bireýler eshqandaı aram oısyz-aq sizdiń júgińizdi shatastyryp alyp ketýi múmkin.

Buǵan jol bermeý úshin chemodanyńyzdy stıkerlermen, sýrettermen bezendirińiz nemese aty-jónińiz ben telefon nómirińizdi jazyp qoıyńyz. Sondaı-aq, chemodanyńyz neǵurlym kózge túsetindeı bolsa, júk jolaǵynan soǵurlym tezirek ala alasyz. Noýtbýk, fotoapparat, zergerlik buıymdar, qujattar jáne aqsha sııaqty baǵaly zattardy júk sómkege salmaǵan jón. Sebebi eshkim zattaryńyzdyń joǵalmaıtynyna kepildik bere almaıdy.

Júk sómkeńizge salynǵan barlyq zattaryńyzdy sýretke túsirip nemese tizimin jazyp alǵanyńyz durys. Bir zatyńyz joǵalyp ketken jaǵdaıda sol arqyly anyqtaı alasyz. Sebebi chemodanǵa salynǵan zattardy este saqtap qalý áýekompanııasynyń qyzmetkerleri men polıııa qyzmetkerlerine dálel bola almaıdy.

Júgińizdi saqtandyrý qyzmetin satyp alyńyz

Mundaı usynystar saqtandyrý kompanııalarynda da, sondaı-aq áýekompanııalarynyń ózderinde de bolady. Sharttardy muqııat oqyp shyǵyńyz, keıde saqtandyrý tek joǵalǵan nemese búlingen júktiń ornyn toltyrady.

Eger urlyqtan qorǵanǵyńyz kelse, onda osy múmkindikti eskeretin saqtandyrýdy izdegenińiz jón.

Derekkóz: https://24.kz/