QR azamattyǵyna qabyldaýdyń jalpyǵa birdeı tártibi

Jeńildetilgen tártippen azamattyqqa qabyldaý  quqyǵy joq jáne Qazaqstan Respýblıkasynyń azamattyǵyn qabyldaýǵa nıet bildirgen sheteldikter turǵylyqty jeri boıynsha kóshi-qon polıııasynyń aýmaqtyq bólimshelerine  ótinishhat  berýi tıis. О́tinishhat Qazaqstan Respýblıkasy prezıdentiniń atyna beriledi. О́tinishte azamattyqqa qabyldaý sebepteri kórsetilýi tıis.
Ishki ister organdarynyń Qazaqstan Respýblıkasynyń azamattyǵyna qabyldaý boıynsha ótinishhattardy (ótinishterdi) qabyldaý, resimdeý jáne qaraý qaǵıdalaryna Ishki ister organdarynyń Qazaqstan Respýblıkasy azamattyǵymen baılanysty  máselelerdi qaraý boıynsha ótinishke mynadaı qujattar qosa tirkeledi:

• belgilengen nysan boıynsha saýalnama-ótinish;
• ómirbaıan;
• ólshemi 3,5 h 4,5 sm. tórt fotosýret;
• Qazaqstan Respýblıkasynyń «Qazaqstan Respýblıkasynyń azamattyǵy týraly» Zańynyń 1 babynda kózdelgen sharttardy saqtaý týraly mindettemesi;
• jeke basyn kýálandyratyn jáne Kelisimge qatysýshy elderdiń bireýiniń azamattyǵyna tıesiligin rastaıtyn qujattyń kóshirmesi;
• 1 AEK kóleminde memlekettik baj salyǵynyń tólengeni nemese ony tóleýden bosatylǵany týraly qujat;
• basqa memlekettiń quzyretti organmen berilgen burynǵy azamattyǵy  joqtyǵy nemese  toqtatylǵany týraly anyqtama.

Atalǵan qujattardan basqa:

• Qazaqstan Respýblıkasy Prezıdentiniń  2005 jylǵy 6 maýsymdaǵy N 1587 Jarlyǵymen olarǵa qatysty azamattyqqa qabyldaýdyń jeńildetilgen tártibi belgilengen adamdar úshin kásipter men talaptar tizbesiniń  talaptaryna jaýap beretin  adamdar   — beıindi memlekettik organnyń ótinishhatyn;
• Qazaqstan Respýblıkasyna tarıhı Otany retinde turaqty turýǵa qaıtyp kelgen adamdar úshin – oralman kýáligi  jáne burynǵy azamattyǵynaan bas tartý týraly ótinishi;
• Qazaqstan Respýblıkasynyń azamattyǵyna qabyldaý týraly ótinishhat (ótinish) bildirgen adam ótinish bergen sátte Qazaqstan Respýblıkasynyń azamatymen nekede tursa, onda neke týraly kýáliktiń notarıaldy kýálandyrǵan kóshirmesin tapsyrady.
• Qazaqstan Respýblıkasyna turaqty turý maqsatynda kelgen jáne jaqyn týystarynyń bireýi Qazaqstan Respýblıkasynyń azamattary bolyp tabylatyn burynǵy odaqtas respýblıkalardyń azamattary olardyń Qazaqstan Respýblıkasynyń azamattarymen týystyq deńgeıin kýálandyratyn qujattardy (týý týraly kýálik, neke týraly kýálik jáne t.b.) usynady.

Aýdandyq (qalalyq) ishki ister organdary  azamattyqqa qabyldaý týraly málimetterdi oblystardyń jáne Astana, Almaty jáne Shymkent qalalarynyń Ishki ister departamentterine tapsyrady, al olar  qujattardy tekserip, olar boıynsha tujyrymdama jasap, Ishki Ister mınıstrligine tabystaıdy. IIM ol málimetterdi óz tujyrymdamasymen birge Qazaqstan Respýblıkasy Prezıdenti Ákimshiliginiń Memlekettik-quqyqtyq bólimine joldaıdy.

egov.kz