«Алтын адам» Афинадағы көрмеге қойылады

Грекияның астанасы Афина қаласындағы Эпиграфиялық музейде ҚР Ұлттық музейі 11 қараша күні жергілікті уақыт бойынша сағат 17.00-де «Ұлы дала: тарих және мәдениет» көрмесін ашады, деп хабарлайды ҚазАқпарат.
Көрме «Алтын адамның әлем музейлеріне шеруі» халықаралық көрме жобасы аясында 2019 жылғы 11 қарашадан 11 желтоқсанға дейін жалғасады.
Көрменің мақсаты – Қазақстанның тарихи-мәдени бай мұрасымен шетелдік көрерменді таныстыру. Көрмеге Қазақстан Республикасының символы саналатын «Алтын адам» қойылады.