جاڭالىقتار
2020 جىلدان باستاپ جۇرگىزۋشى كۋالىگى وزگەرەدى
ىشكى ىستەر مينيسترلىگى جۇرگىزۋشى كۋالىگىنىڭ جانە كولىك قۇرالىن تىركەۋ تۋرالى كۋالىكتىڭ جاڭا ۇلگىسىن ەنگىزۋدە. بۇل تۋرالى ەلوردا ينفو قر ءىىم ءباسپاسوز قىزمەتىنە سىلتەمە جاساپ حابارلادى.
«ءتيىستى بۇيرىققا ىشكى ىستەر ءمينيسترى 2019 جىلعى 2 قاراشادا قول قويىپ, ول 2019 جىلعى 4 قاراشادا ادىلەت مينيسترلىگىندە تىركەلدى. كورسەتىلگەن قۇجاتتارداعى ەلەكتروندىق چيپ كەلەسى بەتىنە كوشىرىلىپ, چيپ جادىنىڭ كولەمى ۇلعايتىلادى», — دەدى ۆەدومستۆونىڭ ءباسپاسوز قىزمەتى.
اتالعان شارالار جۇرگىزۋشى كۋالىگىن جانە كولىك قۇرالىن تىركەۋ تۋرالى كۋالىكتى جەكە باسىن كۋالاندىراتىن قۇجاتتارمەن سايكەستەندىرۋ ءۇشىن قاجەت جانە قۇجاتتاردى دايىنداۋدىڭ بىرىڭعاي وندىرىستىك ستاندارتىنا كوشۋگە مۇمكىندىك بەرەدى.
سونىمەن قاتار اتالعان قۇجاتتاردى قولدان جاساۋدى بولدىرماۋ ماقساتىندا شتريح-كود تۇرىندە قوسىمشا قورعاۋ ەنگىزىلەدى, سونداي-اق كولىك قۇرالىن تىركەۋ تۋرالى كۋالىكتىڭ ءتۇسى وزگەرەدى.
بۇل رەتتە بۇرىن بەرىلگەن جۇرگىزۋشى كۋالىكتەرى مەن كولىك قۇرالىن تىركەۋ تۋرالى كۋالىكتەردى اۋىستىرۋدىڭ قاجەتى جوق ەكەنىن اتاپ وتكەن ءجون. ولار قىزمەت مەرزىمىنىڭ ۋاقىتىندا جارامدى بولا بەرەدى.
اتالعان قۇجاتتاردى بەرۋ ءۇشىن مەملەكەتتىك باج مولشەرى وزگەرمەيدى جانە ول بۇرىنعىشا 1,25 اەك-ءتى قۇرايدى.
وسى كاتەگوريا بويىنشا: « قوستاناي وبلىسىندا مەردىگەردىڭ ساپاسىز جۇمىسى كولىك جۇرگىزۋشىلەرىن اۋرە-سارساڭعا سالدى جامبىل وبلىسىندا 86 ەلدى مەكەندى كوگىلدىر وتىنمەن قامتۋ جۇمىستارى ءجۇرىپ جاتىر »
دەرەككوز: حابار 24
