Zeınetaqy jınaǵyn kimder baspana satyp alýǵa jumsaı alady

Qazaqstandyqtardyń zeınetaqy jınaǵyn baspana satyp alýǵa berý máselesi áli talqylanyp jatyr. Bul týraly búgin Úkimet úıindegi baspasóz máslıhatynda «Qazaqstannyń turǵynúıqurylysjınaqbanki» AQ basqarmasynyń tóraǵasy Lázzat Ibragımova aıtty, dep habarlaıdy QazAqparat tilshisi.

«Qazirgi ýaqytta Qazaqstannyń qarjygerler qaýymdastyǵynyń bazasynda Ulttyq bankpen birge zeınetaqy jınaqtaryn paıdalaný boıynsha tyǵyz jumys istep jatyrmyz. Statıstıkany zerdeleýdemiz. О́kinishke oraı, ol respýblıkalyq bıýdjetten tólenetin áleýmettik zeınetaqy kólemi jyl saıyn belsendi ósip kele jatqanyn kórsetti», – dedi ol.

Onyń atap ótýinshe, azamattar zeınetke shyqqannan keıin zeınetaqy jınaqtaryn paıdalaný úshin jalaqynyń 70 paıyz kóleminde zeınetaqy alýǵa múmkindik beretin jınaǵy bolýy tıis.

«Mundaı zeınetaqy jınaǵy bar salymshylardyń sany az. Sondyqtan qazirgi ýaqytta talqylanyp jatqan tetik jınaǵynyń jetkilikti kólemi bar azdaǵan ǵana salymshyǵa qatysty bolmaq», – dedi bank tóraǵasy.

L.Ibragımovanyń atap ótýinshe, bul máselege qatysty sheshim jyldyń sońyna qaraı ázirlenetin bolady.

«Eger qazir barlyq qazaqstandyqqa zeınetaqy jınaǵyn jumsaýǵa ruqsat beretin bolsaq, onda 15-20 jyldan keıin bılikke memlekettik bıýdjetten zeınetaqy tólemderine taǵy da aqsha suraýyna týra keledi»,- dedi ol.