Prezıdent Joldaýy: Salyqtan bosatylǵan kásipkerler 382 mlrd teńge únemdedi

QR Ulttyq ekonomıka mınıstri Rýslan Dálenov shaǵyn jáne orta bıznes sýbektilerine kórsetiletin qoldaýdyń negizgi nátıjelerin aıtyp berdi, dep habarlaıdy QazAqparat tilshisi

«Shaǵyn jáne orta bıznesti qoldaý Prezıdent Joldaýynyń basymdy mindetterdiń biri bolyp tabylady. Búgin elimizdiń belsendi halqynyń 30%-ten astamy shaǵyn jáne orta bıznespen aınalysady. Sońǵy 5 jylda ShOB sýbektiler sany 1,5 esege 1,3 mln-ǵa deıin artty» — dedi mınıstr Ortalyq kommýnıkaııalar qyzmetinde Prezıdent Joldaýynyń alǵashqy nátıjeleri týraly ǵylymı-praktıkalyq konferenııada.

Sonymen birge, Prezıdent Qasym-Jomart Toqaevtyń Qazaqstan halqyna Joldaýyna sáıkes, shaǵyn jáne shaǵyn kásipkerlik sýbektileri úsh jylǵa tabys salyǵyn tóleýden bosatylady.

«Bul jeńildik 2020 jyldyń 1 qańtarynan bastap kúshine enedi jáne zańnamalyq túzetýler pysyqtaldy.Nátıjesinde, bıznes 3 jylda 382 mlrd teńge únemdeı alady. Únemdelgen soma kásipkerlerge aınalym qarajatyn tolyqtyrýǵa jáne jalpy óz qyzmetterin jaqsartýǵa múmkindik beredi», — dedi R. Dálenov.

Atap ótken jón, munda akızdeletin ónimdi óndirý jáne kóterme saýdada ótkizý, oıyn bıznesi, lotereıa ótkizý, benzındi, dızel otynyn jáne mazýtty bólshek saýdada ótkizý, astyq qabyldaý pýnktterinde astyqty saqtaý, radıoaktıvti materıaldar aınalymy, banktik, aýdıtorlyq saqtandyrý qyzmeti, baǵaly qaǵazdar naryǵy, kredıttik bıýrolar, kúzet qyzmeti, azamattyq jáne qyzmettik qarý men onyń patrondarynyń aınalymy, jer qoınaýyn paıdalaný jáne syrtqy ekonomıkalyq qyzmet sýbektileri salyq tóleýden bosatylmaıdy.

«Shaǵyn jáne orta bıznes salyqtan bosatyla otyryp, 2020 jyly 1 qańtardan bastap tekserý boıynsha da 3 jylǵa moratorıı engiziledi. Orta eseppen 3 jyl ishinde 100 myńǵa jýyq tekserý júrgizilmeıtin bolady. Bul ákimshilik júktemeni tómendetýge, bıznes-ortanyń turaqtylyǵyn qamtamasyz etýge, bıznesti ońaı júrgizýge jáne básekelestikti damytýǵa múmkindik beredi», — dedi Ulttyq ekonomıka mınıstri.

Bul rette, moratorıı mynadaı tekserýlerge qoldanylmaıdy: halyqqa jappaı qaýip-qaterdiń aldyn alýǵa baılanysty,kásipkerdiń óz ótinishi boıynsha, keden jáne salyq organdary, prokýratýra organdary, sáıkestikti baǵalaý salasynda, «Qarjy naryǵy men qarjy uıymdaryn memlekettik retteý, baqylaý jáne qadaǵalaý týraly» Zańda jáne qylmystyq is júrgizý kodeksinde kózdelgen negizder boıynsha jáne ónimniń sanıtarlyq-epıdemıologııalyq qaýipsizdigin monıtorıngileý maqsatynda.

Aıta keteıik, elordada Prezıdent Joldaýynyń alǵashqy nátıjeleri talqylanyp jatyr. Oǵan QR Prezıdenti Ákimshiligi basshysynyń birinshi orynbasary Darhan Káletaev, memlekettik organdardyń, Qazaqstannyń ǵylymı-saraptamalyq qaýymdastyǵynyń 80-nen astam ókili qatysýda.