ءتىلسىز جاۋدىڭ توندىرگەن قاۋپى ەل پرەزيدەنتىنىڭ ءجىتى باقىلاۋىندا

قادىرلى اعايىن! اپات ايتىپ كەلمەيدى. وسى ۋاقىتتا كۇللى قازاق جۇرتى قوستاناي وبلىسىنداعى جاعدايدىڭ سالدارىنا الاڭداۋلى. اپات ورنىنداعى تۇرعىندار مەن ءتىلسىز جاۋمەن كۇرەسىپ جۇرگەن ازاماتتارىمىزدىڭ امان-ساۋلىعىن تىلەيمىز.

ءتىلسىز جاۋدىڭ توندىرگەن قاۋپى ەل پرەزيدەنتىنىڭ ءجىتى باقىلاۋىندا. وسى ورايدا تاڭەرتەڭنەن باستاپ «AMANAT» پارتياسىنىڭ وڭىرلەردەگى فيليالدارىندا گۋمانيتارلىق كومەك قابىلداۋ پۋنكتتەرى اشىلاتىنى تۋرالى پارتيا توراعاسى ەرلان قوشانوۆ حابارلادى.

قازاق قاشاندا جاقىنىنا تۇسكەن قاتەردى ءوزىنىڭ ونە بويىمەن سەزىنىپ, قانداي دا بولماسىن سىن مەن سىناقتى بەكەم بىرلىگىنىڭ ارقاسىندا ەڭسەرىپ وتىرعان. بۇل ءبىزدىڭ تابيعاتىمىز, بولمىسىمىز. ءار قازاقستاندىقتىڭ جۇرەگى بۇگىن قوستاناي دەپ سوعىپ تۇر.

ءبىز سىزدەرمەن بىرگەمىز! ەلىمىز امان بولسىن!

داۋلەت قاريبەك Facebook پاراقشاسىنان