AQSh-TA QAZAQ KÚII OINATYLDY

Áz-Naýryz meıramynda Nıý-Iork qalasyndaǵy Radio tolqynynan qazaq kúıleri oınatyldy

Halqymyz ejelden qasterlep, urpaqtan urpaqqa ulyqtap  kele jatqan qundy muramyz kópshiliktiń kóńilin tolqytty. Qurmanǵazy kúılerin estigen tyńdarmandardyń áserin áriptesimiz Aıjan Sydykova bilip qaıtty. Nıý-Iork ýnıversıtetinde oqyp júrgen Ersultan merekege oraı qazaq kúıleri oınalatynyn estip, radıony qosyp júrdi. Tústen aýa áz-Naýryzda AQSh-tyń alyp shaharynyń Radio USA tolqynynda kúı atasy Qurmanǵazynyń qundy murasy qoıyldy.

Osylaısha, 8 mıllıonnan astam turǵyny bar qalany «Saryarqa» kúıi sazǵa bólep, alyp shahardyń kúndelikti tirshiligi kúmbirlegen «Adaı» kúıimen jalǵasty. Ersultan Omar, Nıý-Iork ýnıversıtetiniń magıstranty: — Prodjekt menedjment mamandyǵynda oqımyn. О́zim Pavlodardan bolamyn. Bolashaq baǵdarlamasymen keldim. Amerıkada kóp bolmasam da, Qazaqstandy qatty saǵynamyn. Sondyqtan Nıý-Iork radıosynan qazaq kúıleri oınalatynyn estip, qatty qýanyp kettim. Nıý-Iorktegi orystildi aýdıtorııaǵa arnalǵan radıosynan taraǵan rýhanı muramyz AQSh astanasy Vashıngtonǵa da jetti. Qazaqy qundylyqqa qulaq túrgenderdiń arasynda Djordjtaýn ýnıversıtetiniń oqytýshysy Djıl Noıonderf pen stýdentteri de bar.

Ol: «Qazaqstanǵa barǵan saparynan jyly estelikterim kóp», – deıdi. Djıl Noıonderf, Djordjtaýn ýnıversıtetiniń muǵalimi: — Qazaqstan halqyn Naýryz meıramymen quttyqtaımyn. Byltyr shildede Almatyǵa 1 aıǵa baryp, Qazaq ulttyq ýnıversıtetinde orys tilin oqyp úırendim. AQSh-tan mennen basqa 15 muǵalim boldy. Biz sol kezde Ulttyq aspaptar murajaıyna bardyq. Sol jerde dombyranyń únin alǵash ret estidim. Qatty unady. Tipti bizdiń toptaǵy bir qurbym oǵan qyzyǵyp, satyp alyp, ózimen birge AQSh-qa alyp keldi.