TEMIRTAÝDYŃ OŃ JAǴALAÝYNA ÝAQYTShA QUBYR TARTYLDY

Qaraǵandy oblysyna qarasty Temirtaý qalasynyń oń jaǵalaýy turǵyndaryn aýyzsýmen qamtamasyz etý úshin ýaqytsha qubyr tartyldy. Nura ózeniniń arnasynda jatqan ortalyq qubyrdan aqaý shyǵyp, qalanyń bul aýmaǵy tirshilik nárinsiz qalǵan edi. Osyǵan baılanysty metallýrgter shaharynda jergilikti deńgeıdegi tótenshe jaǵdaı jarııalandy. Qazirgi tańda ózen sýy tasyp jatqandyqtan kommýnaldyq qyzmet qosymsha qubyr tartýdy jón sanaǵan. Tasqyn seıilgen soń negizgisi jóndeledi. Turǵyndarǵa aýyzsýdy tek sanıtar mamandardyń ruqsatynan soń ǵana paıdalanýǵa bolady.

Sebebi hlorlaý júrgizilgen. Ázirge tasymal sýdy tutynady. Rınat Qydyrbekov, Temirtaý qalasy ákiminiń orynbasary: — Bul búgingi kúnde ýaqytsha sheshim. Basty sý qubyryn jóndeý úshin biz Samarqand sý qoımasynan sý aǵysynyń tómendeýin kútemiz. Sodan soń basty qubyrdy jóndeýge kiristin bolamyz.