Q. BIShIMBAEV: NÚKENOVANYŃ О́LIMINE QATYSYM BAR

Kezekti sot otyrysynda kúdikti Qýandyq Bıshimbaev ózine taǵylǵan «asa qatygezdikpen adam óltirdi» degen aıyppen kelispedi.

Biraq, Saltanat Núkenovanyń ólimine qatysy bar ekenin moıyndady. Burynǵy mınıstr qaıǵyly oqıǵadan keıin 5 aı boıy marqumnyń týǵan-týystary áleýmettik jelide oǵan qarsy naýqan uıymdastyrǵanyn da aıtty. «Sondyqtan qorǵanýyma týra keledi», — dedi Bıshimbaev. Rıat Shonı, tilshi: — Astadana eks-mınıstr Qýandyq Bıshimbaevqa qatysty alqabılerdiń qatysýymen sot proessi jalǵasyp jatyr. Búgin aıyptalýshy taraptyń advokattarynyń birneshe márte ótinishinen keıin sot aqyry Bıshimbaevtan jaýap aldy.

Eks-sheneýniktiń sózinshe, ol ózine taǵylǵan aıyptarmen, ıaǵnı, asa qatygezdikpen adam óltirdi degen kináni moıyndamaıdy. Biraq, Saltanat Núkenovanyń ólimine óziniń qatysy bar ekendigin aıtty. «Qýandyq Bıshimbaevtyń advokattary áý bastan, bul bapty «abaısyzda adam óltirdi» dep aýystyrýdy surap keledi. Tipti oǵan marqumnyń denesindegi jaraqattar da dálel», — deıdi qorǵaýshylar. Láılá Ramazanova, Q. Bıshimbaevtyń advokaty: — Bizdiń qorǵaýymyzdaǵy adam asa qatygezdikpen kisi óltirgen joq. Oǵan naqty senimdimiz. Aıyptaý aktisinde marqum jeńil jaraqattar aldy delingen. Biraq, Bıshimbaev bul oqıǵaǵa óziniń qatysy bar ekenin moıyndaıdy. Qýandyq Bıshimbaev marqummen qalaı tanysqanyn jáne aradaǵy qatynasy qandaı bolǵandyǵyn egjeı-tegjeıli baıandap berdi. «Aıyptalýshy aılar boıy Saltanat Núkenovanyń týǵan-týystary áleýmettik jelide oǵan qarsy pıar-naýqan júrgizdi dep otyr. Sondyqtan quqyqtarymdy qorǵaýyma týra keledi», — deıdi kúdikti. Qýandyq Bıshimbaev, aıyptalýshy: — Men ózimdi qasaqana asqan qatygezdikpen adamdy óltirdim degen aıyppen kelispeımin. Bıshimbaev jarynyń toıdan keıin múldem basqa adamǵa aınalǵandyǵyn aıtady. Bolymsyz nársege qyzǵanatyn deıdi. Al marqumnyń aǵasy Qaırat Núkenov Bıshimbaev jazadan qashyp qutylýdyń áreketin jasap otyr dedi. Qaırat Núkenov, marqumnyń aǵasy: — Birdeńe búldirdiń ba? Erkekshe jaýap ber.

Al qazir Bıshimbaev sot otyrysynda konert uıymdastyryp otyr. Ol sotqa da, jábirlenýshi tarapqa da nemquraıly qaraıdy.

Eks-mınıstrge qatysty sot proessi áli jalǵasyp jatyr. Qýandyq Bıshimbaevtyń isi alqabılerdiń qatysýymen ótýde. Muny zań boıynsha aıyptalýshy tarap ózi suraǵan bolatyn. Onyń ústine qoǵamda rezonans týdyrǵan iske qatysty otyrys Joǵarǵy sottyń ıýtýb arnasynda da tikeleı kórsetilýde.