QYZYLORDA OBLYSYNDA BIRNEShE INFRAQURYLYMDYQ JOBALAR JÚZEGE ASYP JATYR

Qyzylorda oblysynda quny 30 mıllıard teńge bolatyn birneshe ınfraqurylymdyq joba júzege asyp jatyr. Oblys ortalyǵyndaǵy kólik keptelisin azaıtý maqsatynda qolǵa alynǵan aýqymdy qurylys barysymen oblys ákimi Nurlybek Nálibaev tanysty.

О́ńirde kóshelerdi kórkeıtýmen qatar jasyl jelekti jaıqaltýǵa erekshe mán berilip otyr.  Bıyl Qyzylorda oblysynda 266 shaqyrym jol jóndeledi. Al oblys ortalyǵynda 53 kóshe qaıta jańǵyrtylady. Onyń qatarynda qalany ekige bólip turǵan temirjoldy boılaı ótetin Qoja-Ahmet Iassaýı kóshesi bar. Uzyndyǵy 3 shaqyrymǵa jýyqtaıtyn dańǵyl 4 jolaqty bolady. Jol boıy tolyq jaryqtandyrylyp, aıaldama men jaıaý júrginshi joly tıisti talapqa saı salynady. Jánibek Syzdyqov, oblystyq jolaýshylar kóligi jáne avtomobıl joldary basqarmasynyń basshysy: — Kóshelerdi ońtaılandyrýǵa baılanysty kóp jumystar atqarylyp jatyr. Qazirgi tańda 30 mlrd.

qarjy naqtylanyp tur. Qyzylorda qalasyna 12 mlrd. qarjy bólinip tur. Onyń ishinde Qyzylorda qalasynda abattandyrý jumystaryna 4 mlrd. teńgeniń ústinde jumystar júrgizilip jatyr. Qala kóshelerin kórkeıtýmen qatar jasyl jelekti ulǵaıtýǵa da basymdyq berildi. Bıyl oblys kóleminde 100 myń túp saıaly aǵash kóshetin kútimge alý josparlanǵan. Bir ǵana «Taza Qazaqstan» ekologııalyq akııasy aıasynda myń túp tal egildi.

Baqyt Jahanov, oblys ákiminiń orynbasary: — Bıylǵy jyldyń ózinde biz 28 myń túp aǵash, oblys ortalyǵynda, aýdandarda, eldi mekenderde egý jumystary júrgizildi. Oǵan qajetti kóshet, orman sharýashylyǵy pıtomnıkterinde qazir ósirilýde. Odan bólek Qyzylorda qalasynyń janynda jasyl beldeý egý jumystaryn júrgizip, ol jerde 3 myń gektarǵa sekseýil kóshetterin egý jumystary jasalyp jatyr.  О́ńirdegi orman qoryn tolyqtyrý jáne eldi mekenderdi kógaldandyrý maqsatynda aımaqtaǵy 8 tuqymbaqta 17 mıllıon túp aǵash kósheti ósirilip jatyr.