Jańalyqtar
«Taza Qazaqstan»: Semeı ormanynyń aýmaǵyna 28 560 kóshet otyrǵyzyldy
Abaı oblysynda respýblıkalyq «Taza Qazaqstan» ekologııalyq akııasy aıasynda senbilikter ótýde. Aımaqqa qarasty qalalar men aýdandarda kógaldandyrý jáne qoqys jınaý, aıaldamalardy jýý, eskertkishterdi tazalaý, aǵashtardy ákteý, olardyń túbin qopsytý jumystary júrgizilýde.
Sonymen qatar, Semeı ormanynyń aýmaǵyna 6 gektar jerge 28 560 kóshet otyrǵyzyldy.
Akııaǵa memlekettik jáne jeke menshik mekemeler qyzmetkerleri, qoǵamdyq uıymdardyń ókilderi, stýdentter, oqýshylar qatysty. Sharaǵa qatysqan oblys ákimi Nurlan Uranhaev azamattardy respýblıka kólemindegi aýqymdy akııaǵa belsene atsalysyp, óz úlesterin qosýǵa shaqyrdy.
Memleket basshysynyń bastamasyn búkil Semeı jurtshylyǵy, oblys turǵyndary qoldaımyz. Qazir oblysymyzdyń árbir aýdan, qalalarynda senbilikter ótkizilýde. 2 aılyq tazalyq jumystary sheńberinde kóshelerdi, jol jıekterin, qoǵamdyq oryndardaǵy qoqysty jınaý, olardy shyǵarý, abattandyrý jáne taǵy basqa ózge de sanıtarlyq sharalar qalamyzdyń ár aýdany men shalǵaıdaǵy aýyldaryna deıin qamtıtyn bolady, — dedi aımaq basshysy.
Oblys ákimi odan ári «Beıbitshilik» aralyǵyndaǵy buryńǵy qalqymaly kópir aýmaǵyna baryp, jaǵalaýdaǵy bekitý jumystarymen de tanysty. Sońynan qala ákimine jaǵdaıdy baqylaýda ustaýdy, sonymen qatar araldy sý basý qaýpiniń aldyn-alýǵa qatysty tapsyrmalar berdi.
Jalpy, aǵymdaǵy jyly oblysymyzda 65 000 túp kóshet otyrǵyzylady (Abaı aýdany — 4 000 túp, Aıagóz aýdany — 8 000 túp, Besqaraǵaı aýdany — 8 000 túp, Borodýlıha aýdany — 7 000 túp, Jarma aýdany — 5 000 túp, Kókpekti aýdany — 6 000 túp, Aqsýat aýdany — 6 000 túp, Kýrchatov qalasy — 3 000, Semeı qalasy — 9 100 túp, Jańasemeı aýdany — 900 túp, Úrjar aýdany — 7 000 túp, Maqanshy aýdany — 1 000 túp).
Semeıde qoǵamdyq oryndardyń aýmaqtarynda jalpy aýdany 13 500 sharshy metr bolatyn qosymsha gúlzar otyrǵyzylady, onyń ishinde: 4 500 sharshy metr aýmaǵynda kópjyldyq gúlder, 9 000 sharshy metr jerge maýsymdyq gúlder.
«Taza Qazaqstan» akııasy ár apta saıyn túrli baǵyttarda ekologııalyq is-sharalarmen jalǵasa bermek.
