Қазақстан бірегей көне қыпшақ кітаптарының цифрланған көшірмесіне қол жеткізді

Украинаның Орталық мемлекеттік тарихи мұрағатында (Киев қаласы) Каменец-Подольск армян Войтовский сотының армян-қыпшақ тілінде жазылған есепке алу кітаптарының цифрлық көшірмелерін Қазақстан Елшілігі өкілдеріне тапсыру рәсімі өтті. Іс-шараға Елшіліктің кеңесшілері А.Әлібеков, Е.Катренов, Д.Сатыбалдин, Украина Орталық мемлекеттік тарихи мұрағатының директоры Ю.Файзулин, мұрағат қызметкерлері, сондай-ақ қазақстандық бизнес өкілдері қатысты.