Елімізде 1 шілдеден бастап не өзгереді?

Газ, темекі, интернет қымбаттады,-деп хабарлайды Qandastar.kz

Газ қымбаттады

Энергетика министрлігінің мәліметінше, ресейлік бағаға жақындату үшін газ құнына түзету енгізілді.

«Сұйытылған мұнай газының бір тоннасы үшін шекті көтерме баға 45 158 теңге болады (бұрын – 40 320 теңге). Бұл ретте шекті бөлшек сауда бағасы өңірге байланысты литріне 5-тен 8 теңгеге дейін аздап өседі», – деп хабарлады ведомство.

Энергетика министрлігі сондай-ақ тауарлық газ бағасының көтерілуі тұтынушыларға аздап әсер ететінін атап өтті. Орта есеппен жеке үйге арналған шығын айына шамамен 1080 теңге, пәтер үшін – 130 теңге болады.

Интернет қымбаттады

«Қазақтелеком» көбірек төлеуге тура келетін тарифтердің толық тізімін ресми сайтында жариялады.

Өсім үйдегі интернетке және 50-ден астам тарифке әсер етеді. Ең төменгі баға – 5999, ең жоғарғы баға – 10 999 теңге болады.

Темекі тағы қымбаттады

Фильтрлі, фильтрсіз сигареттерге, папиростарға, сигариллаларға және қыздырылатын темекісі бар бұйымдарға ең төмен бөлшек сауда бағасын мынадай мөлшерде белгіленді:

2023 жылғы 1 шілдеден бастап 2023 жылғы 31 желтоқсанды қоса алғанда 710 теңге;

2024 жылғы 1 қаңтардан бастап 770 теңге.

Дәрі-дәрмек қымбаттады

1 шілдеден бастап елімізде фармацевтикалық препараттарды міндетті түрде таңбалау туралы ереже күшіне енді. Осыған байланысты дәрі-дәрмек 5% қымбаттайды.

Енді дәріханалар 3700-ден астам препараттың бағасын өзі белгілейді.