«Aıqaılap kúletin»: Ájethanadan tabylǵan Asylymnyń anasy kórshiniń qyzy jaıly aıtty

Kollaj: inbusiness.kz

Túrkistan oblysynda denesi dárethanadan tabylǵan 3 jasar Asylymnyń anasy bolǵan jaıtqa qatysty pikir bildirdi, dep habarlaıdy Ozgeris.info tilshisi AzatNews aqparattyq portalyna silteme jasap.

«Osydan birneshe aı buryn joǵalǵan, úsh kún kúndiz-túni izdegen Asylymnyń anasymyn. Búkil halyq bolyp izdedik. Sirgeli aýyly, Saryaǵash qalasy, Túrkistan oblysy – bári izdedi. At salyspaǵan adam joq. Kúndiz-túni uıyqtamaı izdedi. (Qyzymnyń ) óli denesin taptyq. Qatygezdikpen óltirilgen bolyp shyqty, ájethanadan tabyldy. Júregimiz aýyryp, qan jylaıdy. Mılıııa aıǵaqtar joq degenmen bizde kúmán boldy. О́z ólimimen qaıtys boldy degenge senbedik, (ájethananyń) kishkentaı tesigine bala syıýy múmkin emes. Men qansha shyryldadym, qansha júgirdim. Otbasymyzben ózi túsip ketkenine senbedik. Ana júregi sezdi. Osy shyndyq shyqqansha kúndiz-túni uıyqtaı almadym. Jazalansyn, el bilsin, kórsin dep búkil Qazaqstanǵa aıqaılap aıtqym keledi», — dedi Asylymnyń anasy bergen suhbatynda.

Sózinshe, mundaı jaǵdaı ekinshi ret qaıtalanyp otyr.

«Kishkentaı bes jarym jasar qyzdy ájethanaǵa tastalǵannan keıin baryp onyń beti ashylyp otyr. Alla saqtap, ol qyz aman qaldy. О́tip bara jatqan kórshi balamyz estip qaldy. Sonyń arqasynda meniń qyzymnyń qasaqana óltirilgeni jarııa bolyp otyr. Eń bastysy qyz moıyndady. Tergeý proesi áli júrip jatyr. Jaqynda sot bastalady. Júregimiz qan jylap otyr», — dedi qaıtys bolǵan Asylymnyń anasy.

Ol qaıǵyly jaǵdaıdan keıin kórshi qyzǵa seziktenip júrgenin jetkizdi.

«Men sezdim. О́ıtkeni ol kúni boıy mýzyka qoıyp, aıqaılap kúletin. Ol qyzda qatygezdik kóp edi. Meniń balalarym júrip bara jatqanda uryp ketetin, qyzdarym ony kórgen kezde úıge kirip, ol ketkennen keıin ǵana dalaǵa shyǵatyn. Balam ádemi kúshik ákelse, ol kúshikti de qapqa salyp, aǵyzyp jiberetin. Onyń qatygezdigin bildim. Dálel bolmaǵan soń aıta almadym», — dep jalǵastyrdy spıker.

Búginde aýyl turǵyndary kúdikti qyzdyń otbasy basqa jaqqa kóship ketsin dep talap qoıyp otyr.

Aıta ketý kerek, osyǵan deıin Túrkistan oblysynda 3 jasar qyzdyń denesi dárethanadan tabylǵanyn jazǵan bolatynbyz.