جاڭالىقتار
الماس وتەشوۆ جاڭا قىزمەتكە تاعايىندالدى
اۋىر اتلەتيكادان قر ەڭبەك سىڭىرگەن سپورت شەبەرى, 2 دۇركىن الەم چەمپيوناتىنىڭ كۇمىس جۇلدەگەرى, ازيا ويىندارىنىڭ كۇمىس جۇلدەگەرى الماس وتەشوۆ جاڭا قىزمەتكە تاعايىندالدى, دەپ حابارلادى qandastar.kz
بۇل تۋرالى قىزىلوردا وبلىسىنىڭ دەنە شىنىقتىرۋ, سپورت جانە تۋريزم باسقارماسىنىڭ رەسمي پاراقشاسىندا جاريالاندى.
«قىزىلوردا وبلىسىنىڭ دەنە شىنىقتىرۋ, سپورت جانە تۋريزم باسقارماسىنىڭ باسشىسى ب.ارتاەۆتىڭ بۇيرىعىنا سايكەس, 12 ماۋسىمنان باستاپ وتەشوۆ الماس داۋلەتيار ۇلى باسقارماعا قاراستى “وليمپيادالىق رەزەرۆ دايارلاۋ ورتالىعى” كمم ديرەكتورىنىڭ ورىنباسارى قىزمەتىنە تاعايىندالدى. الماس داۋلەتيار ۇلى — اۋىر اتلەتيكادان قر ەڭبەك سىڭىرگەن سپورت شەبەرى, اۋىر اتلەتيكادان 2 دۇركىن الەم چەمپيوناتىنىڭ كۇمىس جۇلدەگەرى, ازيا ويىندارىنىڭ كۇمىس جۇلدەگەرى, ازيا چەمپيونى. وسى ۋاقىتقا دەيىن ياعني بەس ايعا جۋىق باسقارماعا قاراستى “مۇز ايدىنى” مەكەمەسىندە ادىسكەر بولىپ قىزمەت اتقاردى. الماس داۋلەتيار ۇلىن جاڭا قىزمەتىمەن قۇتتىقتايمىز!», — دەلىنگەن باسقارما حابارلاماسىندا.
