الماتىدا كوپبالالى انالاردى الەۋمەتتىك قورعاۋ ورتالىعى اشىلدى

الماتىدا «باقىتتى وتباسى» انالاردى الەۋمەتتىك قورعاۋ ورتالىعى جوباسى اياسىندا «ىسكەر انا» دەپ اتالاتىن كوپبالالى جانە از قامتىلعان وتباسىلارعا قولداۋ كورسەتۋ ورتالىعى اشىلدى دەپ حابارلايدى «قازاقپارات» اگەنتتىگى.

«ىسكەر انا» باعدارلاماسى ايەلدەر كاسىبىن دامىتۋ اياسىندا جۇرگىزىلەدى.
ورتالىقتا ساپالى بيزنەس كۋرستارى وقىتىلادى.

ومىرلىك قيىن جاعدايدا قالعان وتباسىلارعا كومەكتەسۋ اياسىندا, بارلىق وتباسى مۇشەلەرىن امبەباپ كاسىپكە تارتۋ ارقىلى اقشا تابۋعا داعدىلاندىرۋ ءىسى جۇزەگە اسىرىلادى.

ورتالىقتا ماركەتولوگقا وقىتۋ, ءىت ماماندىعىن مەڭگەرۋ, جەكە كاسىپكەرلىگىن جۇرگىزۋ, تىگىن كۋرسى, قول ونەرىن ۇيرەنۋ, سۇلۋلىق سالاسىندا ءبىلىم الۋ, قازاقتىڭ ۇلتتىق ونەرىن وقۋ, قۇرىلىس جۇمىستارىنا قىزمەت كورسەتۋ, بيزنەس-پلان قۇرۋدى ۇيرەنۋگە بولادى.

بۇگىنگى كۇنى «باقىتتى وتباسى» جوباسى بويىنشا 136 كوپبالالى انا ءوز كاسىپكەرلىكتەرىن جۇرگىزۋ مەن تىگىن كۋرسىنا جازىلىپ قويعان. ورتالىق جەتىسۋ اۋدانىنداعى جانسۇگىروۆ پەن لومونوسوۆ 65/34-ءۇي كوشەلەرىنىڭ قيىلىسىندا ورنالاسقان.