Almatyda kópbalaly analardy áleýmettik qorǵaý ortalyǵy ashyldy

Almatyda «Baqytty otbasy» analardy áleýmettik qorǵaý ortalyǵy jobasy aıasynda «Isker ana» dep atalatyn kópbalaly jáne az qamtylǵan otbasylarǵa qoldaý kórsetý ortalyǵy ashyldy dep habarlaıdy «Qazaqparat» agenttigi.

«Isker ana» baǵdarlamasy áıelder kásibin damytý aıasynda júrgiziledi.
Ortalyqta sapaly bıznes kýrstary oqytylady.

О́mirlik qıyn jaǵdaıda qalǵan otbasylarǵa kómektesý aıasynda, barlyq otbasy múshelerin ámbebap kásipke tartý arqyly aqsha tabýǵa daǵdylandyrý isi júzege asyrylady.

Ortalyqta marketologqa oqytý, IT mamandyǵyn meńgerý, jeke kásipkerligin júrgizý, tigin kýrsy, qol ónerin úırený, sulýlyq salasynda bilim alý, qazaqtyń ulttyq ónerin oqý, qurylys jumystaryna qyzmet kórsetý, bıznes-plan qurýdy úırenýge bolady.

Búgingi kúni «Baqytty otbasy» jobasy boıynsha 136 kópbalaly ana óz kásipkerlikterin júrgizý men tigin kýrsyna jazylyp qoıǵan. Ortalyq Jetisý aýdanyndaǵy Jansúgirov pen Lomonosov 65/34-úı kósheleriniń qıylysynda ornalasqan.