ءبىلىم
الماتىدا ۇلتتىق ۋنيۆەرسيتەتتىڭ جاتاقحاناسى جەكەگە ءوتىپ كەتكەن
فوتو: اشىق دەرەككوز
الماتى قالاسىنىڭ پروكۋراتۋراسى ق. ساتباەۆ اتىنداعى قازۇتزۋ جاتاقحاناسىن قايتاردى, دەپ حابارلايدى qandastar.kz
تۇركسىب اۋدانىنىڭ پروكۋراتۋراسى «ق.ساتباەۆ اتىنداعى قازاق ۇلتتىق تەحنيكالىق زەرتتەۋ ۋنيۆەرسيتەتى» كەاق مۇلكى زاڭسىز يەلىكتەن شىعارىلعانىن انىقتادى.
تۇرعىن-ءۇي الاڭىنىڭ جەتىسپەۋشىلىگىنە قاراماستان, ۋنيۆەرسيتەتتىڭ بۇرىنعى باسشىلىعى ءتيىستى تەندەر وتكىزبەستەن جالپى اۋدانى 2500 م2 استام جاتاقحانانى جەكە جوو-عا زاڭسىز جالعا بەرگەن.
كەيىننەن مامىلە جاساسۋ كەزىندە قولدانىستاعى زاڭناما تالاپتارىن بۇزا وتىرىپ جوو وسى ءۇي-جايدى ساتىپ العان.
بۇگىنگى تاڭدا اكىمشىلىك كورپۋستىڭ جاتاقحاناسى ماقساتىنا قاراي پايدالانىلماي, بيزنەستىڭ ءتۇرلى سالالارىنىڭ قىزمەت كورسەتۋىنە جالعا بەرىلۋدە.
سوتتاردىڭ زاڭدى كۇشىنە ەنگەن شەشىمدەرىمەن, تۇركسىب اۋدانى پروكۋراتۋراسىنىڭ تالاپ-ارىزى بويىنشا داۋلى اكىمشىلىك عيماراتى ۇلتتىق ۋنيۆەرسيتەتكە قايتارىلدى.
