جاڭالىقتار
الماتىداعى ۆيچ جۇقتىرۋ جاعدايى: اۋرۋحانا باسشىلارى قىزمەتىنەن بوساتىلدى
بۇل تۋرالى دەنساۋلىق ساقتاۋ مينيسترلىگى سانيتارلىق-ەپيدەميولوگيالىق باقىلاۋ كوميتەتىنىڭ توراعاسى نۇرقان سادۋاقاسوۆ ءمالىم ەتتى.
«كوميسسيا 2 اي بويى جۇرگىزگەن تەرگەۋ جۇرگىزىلىپ, ماتەريالدار قۇقىقتىق باعالاۋ ءۇشىن تەرگەۋ ورگاندارىنا بەرىلدى. مەديتسينالىق پەرسونالعا قاتىستى اۋرۋحانانىڭ ءبىرىنشى باسشىسى جانە باسشىنىڭ ەپيدەميولوگيالىق ماسەلەلەر جونىندەگى ورىنباسارى قىزمەتىنەن بوساتىلدى. تەرگەۋ فاكتىسى بويىنشا وپەراتسيالىق ءراسىم ستاندارتتاردىڭ بۇزىلۋىنا جول بەرگەن 2 مەدبيكە تارتىپتىك جاۋاپكەرشىلىككە تارتىلدى», — دەدى نۇرحان سادۋاقاسوۆ دەنساۋلىق ساقتاۋ مينيسترلىگىنىڭ كەڭەيتىلگەن القا وتىرىسىنان كەيىن باق وكىلدەرىنىڭ ساۋالىنا جاۋاپ بەرە وتىرىپ,
سونداي-اق, سپيكەر اتالعان ءىستى تەرگەۋ ورگاندارىندا قاراۋ قورىتىندىسى بويىنشا جازانىڭ باسقا تۇرلەرى كوزدەلۋى مۇمكىن ەكەنىن ايتتى.
ەسكە سالا كەتسەك, بىلتىر ماۋسىمدا الماتى قالاسىنداعى اۋرۋحانادا ناۋقاستاردىڭ ادامنىڭ يممۋندىق تاپشىلىق ۆيرۋسىن (ايتۆ/ۆيچ) جۇقتىرىپ الۋىنا بايلانىستى ەپيدەميولوگيالىق تەرگەۋ باستالعانى تۋرالى حابارلاعان ەدىك.
