Ана сүті баланың дамуына қалай ықпал етеді

Омырау сүтімен емізу — ананың сәбиіне бере алатын ең маңызды әрі құнды сыйының бірі. Себебі ана сүтінің бала денсаулығы мен дамуына тигізетін пайдасы зор. Бұл туралы Алматы қалалық № 2 перинаталды орталығының акушер-гинекологы Станислав Борисевич айтты.

«Омырау сүтімен емізу ананың бойында сүт безі, аналық без және жатыр қатерлі ісігінің қаупін азайтуға көмектеседі. Сондай-ақ, ол босанған соң дененің қалпына келуін тездетеді», — дейді дәрігер.