جاڭالىقتار
ارمان شوراەۆ: ەشقاشان ەشكىمدى ۇرعان ەمەسپىن. قارا پيار ءۇشىن كوزاچكوۆكا اقشا تولەنەدى
فوتو: forbes.kz
جەلىدە قوعام قايراتكەرى ارمان شوراەۆتىڭ ايەلدى سوققىعا جىققان ۆيدەوسى تاراعان ەدى. اراعا ۋاقىت سالىپ شوراەۆقا قاتىستى قىلمىستىق ءىستىڭ توقتاعانى بەلگىلى بولدى. بۇل تۋرالى Stan.kz اقپارات اگەنتتىگى ميحايل كوزاچكوۆتىڭ Telegram ارناسىنا سىلتەمە جاساپ حابارلايدى.
ەكى جاقتىڭ ءبىر كەلىسىمگە كەلۋىنە بايلانىستى قىلمىستىق ءىس توقتاتىلدى.
ەسكە سالايىق, قوعام بەلسەندىسى ارمان شوراەۆتىڭ ەلوردا كوشەلەرىنىڭ بىرىندە ازاماتتىق نەكەدەگى جۇبايىن ۇرىپ-سوققان ۆيدەوسى تاراعان ەدى. الايدا شوراەۆتىڭ ءوزى بۇل اقپاراتتىڭ جالعان ەكەنىن ايتىپ, جوققا شىعاردى.
ول Facebook جەلىسىندە «جاساندى ينتەللەكتتىڭ قۇربانى بولعانىن» جانە جۋرناليسكە قارسى ارىز تۇسىرەتىنىن حابارلادى.
«مۇنىڭ ءبارى وتىرىك. مەن ەشقاشان ەشكىمدى ۇرعان ەمەسپىن. بۇل ارانداتۋشىلىق جانە قارا پيار ءۇشىن كوزاچكوۆكا اقشا تولەنەدى», — دەيدى ارمان شوراەۆ.
سونداي-اق ىشكى ىستەر ءمينيسترىنىڭ ءبىرىنشى ورىنباسارى مارات قوجاەۆ شوراەۆقا قاتىستى قىلمىستىق ءىس قوزعالعانىن ايتقان ەدى.
