ءبىلىم
استانا ماڭىنداعى اۋىلدا 14 جاستاعى قىز وزىنە قول جۇمسادى
فوتو: اشىق دەرەككوز
پوليتسيا اتالعان فاكتى بويىنشا تەرگەۋ باستادى.
استانا ماڭىنداعى اۋىلدا 14 جاستاعى ءجاسوسپىرىم وزىنە قول جۇمسادى, دەپ حابارلايدى qandastar.kz Skifnews.kzاقپارات پورتالىنا سىلتەمە جاساپ.
جەلىدە استانا ماڭىنداعى جىبەك جولى اۋىلىندا ءجاسوسپىرىم قىزدىڭ اسىلىپ قالعانى تۋرالى اقپارات تارادى.
اقمولا وبلىستىق پوليتسيا دەپارتامەنتى اقپاراتتى راستادى.
«1 قازاندا ارشالى اۋداندىق ىشكى ىستەر بولىمىنە استانا قالاسىنىڭ تۇرعىنىنان ءوزىنىڭ جىبەك-جولى اۋىلىنداعى ءۇيىنىڭ گاراجىندا 2010 جىلى تۋعان نەمەرە قارىنداسىنىڭ وز-وزىنە قول جۇمساعانى تۋرالى حابارلاما كەلىپ ءتۇستى. پوليتسيا دەپارتامەنتى بۇل فاكتى بويىنشا سوتقا دەيىنگى تەرگەۋ امالدارىن باستادى», – دەلىنگەن پوليتسيا حابارلاماسىندا.
پوليتسيا ىسكە قاتىستى باسقا اقپاراتتاردىڭ تەرگەۋ مۇددەسىنە بايلانىستى جاريالاۋعا جاتپايتىنىن اتاپ ءوتتى.
«پوليتسيا تاعى دا اتا-انالاردى بالالارىنىڭ ينتەرنەت پەن الەۋمەتتىك جەلىلەر ارقىلى قاۋىپتى ءىس-ارەكەتتەرگە ارالاسۋ قاۋپىنە بايلانىستى ولاردىڭ قاۋىپسىزدىگىنە ەرەكشە نازار اۋدارۋعا شاقىرادى», – دەلىنگەن پوليتسيا حابارلاماسىندا.
