Astanada 5 balabaqsha meńgerýshisi sottaldy

Foto: istockphoto.com

Astanada balabaqshalardyń burynǵy bes meńgerýshisi 35 mıllıon teńgeden astam qarjy jymqyrdy degen aıyppen sottaldy. Olardyń sybaılasy da 4 jylǵa bas bostandyǵynan aıyryldy, dep habarlady qandastar.kz Astana qalalyq prokýratýracyna silteme jasap.

Mektepke deıingi bes uıymnyń meńgerýshileri jáne olardyń kómekshileri jas balalardy tamaqtandyrýǵa arnalǵan qarajatty jymqyrǵany úshin kináli dep tanyldy.

«Burynǵy balabaqsha basshylary mázirge sáıkes qajetti azyq-túlik kólemin kórsete otyryp ótinimder bergen. Bul rette aldyn ala ónim berýshimen qylmystyq sóz baılasyp, olar tolyq jetkizilim týraly qujattarǵa jalǵan málimetter engizgen. Qylmystyq shemanyń bastamashysy jáne qylmystyq kelisimniń tikeleı uıymdastyrýshysy buryn sottalǵan olardyń sybaılasy (ónim berýshi) bolǵan», – delingen habarlamada.

Memlekettik aıyptaýshy olardyń kinásin dáleldeıtin barlyq aıǵaqtardy usynǵan.

Sot úkimimen balabaqsha meńgerýshilerine taǵaıyndalǵan barlyq merzimge probaııalyq baqylaý belgilene otyryp, 2 jyldan 3 jylǵa deıingi merzimge bas bostandyǵyn shekteýge, májbúrli eńbekke tartýǵa jáne memlekettik qyzmette qyzmet atqarýǵa ómir boıyna tyıym salýǵa sottaldy. Jeńildetetin mán-jaılar retinde meńgerýshilerdiń keltirilgen zalaldy ótegeni, kinálaryn tolyq moıyndaǵany jáne olardyń kishkentaı balalarynyń bar ekendigi tanyldy.

Uqsas qylmystar úshin ótelmegen sottylyǵy bolǵan olardyń sybaılasy 4 jylǵa bas bostandyǵynan aıyryldy.

Jymqyrǵan 35 mln teńgeden astam qarajattyń barlyǵy bıýdjetke qaıtaryldy.

Úkim zańdy kúshine endi.