ءبىلىم
«استانالىقتاردىڭ قازاق بولا تۇرا قازاقشا سويلەمەۋى – ناعىز ناداندىقتىڭ بەلگىسى». ينجەنەر ارمان راحمەت
فوتو: جەكە قورىنان
ينجەنەر, قوعام بەلسەندىسى ارمان راحمەت استانا حالقىنىڭ قازاقشا سويلەمەۋىن ايىپتاپ, سىنعا الدى. قازاقتىڭ قازاقشا سويلەمەۋ ءۇردىسىن ءسوز ەتىپ, مۇنى «ناداندىققا» بالادى, دەپ حابارلايدى qandastar.kz Alash.KZ. ۇلتتىق پورتالىنا سىلتەمە جاساپ
ينجەنەر, قوعام بەلسەندىسى ارمان راحمەت استانا حالقىنىڭ قازاقشا سويلەمەۋىن سىنعا الدى:
وتكەندە استانادا ءبىر اپتا بولىپ كەلدىم. قالا ادەمى بولعانىمەن انا ءتىلىمىز ەسىگىنەن كىرە الماي دالادا قالعان ەكەن. قايدا بارسام دا ەستىگەن ءسوزىم “زدراستە”, ونى ايتىپ وزىنشە سالەم سالىپ تۇرعاندار دا ءوزىم سياقتى قازاقتىڭ قارا ۇل-قىزدارى… مەن 20 جىلدان بەرى مۇناي-گاز سالاسىندا, ال سوڭعى بەس جىلدان استامىندا شەتەلدە جۇمىستامىن. ايتپاعىم, وسى ارالىقتا قانشاما ۇلتپەن بىرگە جۇمىس جاسادىم, بىردە-ءبىرى ءوزارا وزگە تىلدە سويلەسپەيدى!تەك قانا بىزدە سولاي. كەز كەلگەن مەكەمەگە كىرسەڭ وزگە تىلدە شۇلدىرلەگەندەر. بالكىم وزدەرىنشە ءبىلىمدى, زاماناۋي بولىپ كورىنگىلەرى كەلەتىن شىعار. قۇددى ءبىر قازاقشا سويلەسە ولاي كورىنبەي قالاتىنداي, ول جەرگە ساي بولماي قالاتىنداي. بەتتەرىنە قاراپ تۇرىپ قاراعىم ولاي بولسا مەنىڭ ەكى ديپلومىم جانە MBA دارەجەم بار, ءۇش شەت ءتىلىن بىلەم, ميللياردتان استام حالقى بار قىتايدىڭ ەڭ ۇلكەن ۇلتتىق مۇناي كورپوراتسياسىندا جۇمىس جاسايمىن, جانە سەنىڭ قازاق بولا تۇرا قازاقشا سويلەمەۋىڭ ماعان ناعىز ناداندىقتىڭ بەلگىسى بولىپ كورىنەدى دەپ ايتقىم كەلەدى. ۋاقىتىم بولسا كەيدە ايتىپ تا كەتەمىن. تۇسىنگەن تۇسىنەدى, تۇسىنبەگەندەر كاكايا رازنيتسا دەپ قۋادى. رەسەيگە كوشىپ كەتىڭدەرشيش وندا كاكايا رازنيتسا بولسا.ءسوزدىڭ شىنى كەرەك, ەگەر ورىسشا سويلەيتىن بولسام سولاردىڭ كوبىن ون وراپ الاتىنداي دەڭگەيىم بار, بىراق بولمايدى, قازاق قازاقپەن قازاقشا سويلەسۋى كەرەك, باسقا جول جوق. ءاي, استانا-باس قالا. نە بولدى سونشاما ءوز ءتىلىڭدى مەنسىنبەيتىندەي?.. – دەدى ول.
