Bilim
«Astanalyqtardyń qazaq bola tura qazaqsha sóılemeýi – naǵyz nadandyqtyń belgisi». Injener Arman Rahmet
Foto: jeke qorynan
Injener, qoǵam belsendisi Arman Rahmet Astana halqynyń qazaqsha sóılemeýin aıyptap, synǵa aldy. Qazaqtyń qazaqsha sóılemeý úrdisin sóz etip, muny «nadandyqqa» balady, dep habarlaıdy qandastar.kz Alash.KZ. ulttyq portalyna silteme jasap
Injener, qoǵam belsendisi Arman Rahmet Astana halqynyń qazaqsha sóılemeýin synǵa aldy:
О́tkende Astanada bir apta bolyp keldim. Qala ádemi bolǵanymen ana tilimiz esiginen kire almaı dalada qalǵan eken. Qaıda barsam da estigen sózim “zdraste”, ony aıtyp ózinshe sálem salyp turǵandar da ózim sııaqty qazaqtyń qara ul-qyzdary… Men 20 jyldan beri munaı-gaz salasynda, al sońǵy bes jyldan astamynda shetelde jumystamyn. Aıtpaǵym, osy aralyqta qanshama ultpen birge jumys jasadym, BIRDE-BIRI О́ZARA О́ZGE TILDE SО́ILESPEIDI!Tek qana bizde solaı. Kez kelgen mekemege kirseń ózge tilde shúldirlegender. Bálkim ózderinshe bilimdi, zamanaýı bolyp kóringileri keletin shyǵar. Quddy bir qazaqsha sóılese olaı kórinbeı qalatyndaı, ol jerge saı bolmaı qalatyndaı. Betterine qarap turyp qaraǵym olaı bolsa meniń eki dıplomym jáne MBA dárejem bar, úsh shet tilin bilem, mıllıardtan astam halqy bar Qytaıdyń eń úlken ulttyq munaı korporaııasynda jumys jasaımyn, jáne seniń qazaq bola tura qazaqsha sóılemeýiń maǵan naǵyz nadandyqtyń belgisi bolyp kórinedi dep aıtqym keledi. Ýaqytym bolsa keıde aıtyp ta ketemin. Túsingen túsinedi, túsinbegender kakaıa raznıa dep qýady. Reseıge kóship ketińdershısh onda kakaıa raznıa bolsa.Sózdiń shyny kerek, eger oryssha sóıleıtin bolsam solardyń kóbin on orap alatyndaı deńgeıim bar, biraq bolmaıdy, qazaq qazaqpen qazaqsha sóılesýi kerek, basqa jol joq. Áı, Astana-bas qala. Ne boldy sonshama óz tilińdi mensinbeıtindeı?.. – dedi ol.
