Atyraý oblysynda belgisiz dronǵa uqsas bólshekter tabyldy

Kórneki foto: ashyq derekkózden

Atyraý oblysynyń Qurmanǵazy aýdanynda taǵy da ushqyshsyz ushý apparatyna tıesili bólshekter tabyldy, dep habarlaıdy Qandastar.kz. 

Fragmentter shekaraǵa jaqyn, dalalyq jerde tabylǵan.

Atyraý oblysy Polıııa departamentiniń habarlaýynsha, tabylǵan zat boıynsha tekserý jumystary bastalǵan.

«Quzyrly organdarmen birlese otyryp, syrtqy kelbeti dron bólshekterine uqsaıtyn obektige qatysty tekserý sharalary júrgizilýde. Obekt dala aımaǵynan tabyldy. Zalal men zardap shekkender joq. Barlyq derekter men mán-jaılar anyqtalyp jatyr», — delingen habarlamada.

Aıta keteıik, bul óńirdegi birinshi ret bolyp otyrǵan jaǵdaı emes. 22 maýsymda Qonyrterek aýyly mańynda da ushatyn apparatqa uqsaıtyn belgisiz zat tabylǵan bolatyn. Ol kezde oblystyq ákimdik oqıǵa ornyna arnaıy komıssııa jiberilgenin habarlady.