Jańalyqtar

Baǵdarlamada Golovkınniń jalaqysy týraly suraq qoıǵan jýrnalıst sotqa tartylmaq

15.07.2024

0 112

YouTube-arnasyndaǵy «Ýaqyt kórsetedi» baǵdarlamada Ulttyq olımpıada komıtetiniń basshysy Gennadıı Golovkınniń jalaqysy týraly suraq qoıǵan jýrnalıst Nurseıit Jylqyshybaı sotqa tartylmaq. Bul týraly jýrnalıstiń ózi aıtty, – dep habarlaıdy Dalanews.kz.

Jýrnalıstiń sózinshe. ol belgisiz nómirden hat alǵan.

«Skrındi salmaı-aq qoıaıyn. Hat avtory ózin Ulttyq olımpıada komıtetiniń quqyqtyq qamtamasyz etý qyzmetiniń basshysymyn dep tanystyrady. Ol kisiniń aty-jóni joq pa? Bundaı hat mór men qol qoıylyp jibermeýshi me edi? Álde aty dardaı úlken komıtettiń jýrnalıstermen kommýnıkaııasynyń deńgeıi osy ma? Bálkim meniki teris. Múmkin Ulttyq olımpıadalyq komıtettiń atyn jamylǵan kóshede júrgen bireýler shyǵar. Shyn komıtettiń adamy bolsa atyn aıtyp adam sııaqty habarlasyp resmı qaǵaz jiberýi tıis qoı.

Másele mynada olımpıada chempıony, Vel Barker kýboginiń ıegeri Baqtııar Artaev komıtet basshysy G. Golovkın 20 mln asa aılyq alatyny ras pa degen suraq qoıdym. Baqtııar «Ol jaǵyn naqty bilmeımin. Biraq estýim bar osy áńgimeni» deıdi.

Maǵan jazylǵan hatta myna zańdy alǵa tartady. QR «BUQARALYQ AQPARAT QURALDARY» TÝRALY ZAŃYNYŃ 19-BABYNA SÁIKES, AZAMAT NEMESE ZAŃDY TULǴA BUQARALYQ AQPARAT QURALDARYNAN OSY BUQARALYQ AQPARAT QURALYNDA TARATYLǴAN, ShYNDYQQA SÁIKES KELMEITIN JÁNE AR-NAMYSYNA, QADIR-QASIETINE JÁNE ISKERLIK BEDELINE NUQSAN KELTIRETIN MÁLIMETTERDI TERISKE ShYǴARÝDY TALAP ETÝGE QUQYLY. Meniń túsinbegenim keshegi Elbasy men Nur Otannyń sharapanyta bólengen Golovkınniń qandaı ar-namysyna, iskerlik beledine nuqsan keltirdik. Bir onyń jeke basyn sóz qyldyq pa? Álde nashar boksshy dep synadyq pa? Sondaı-aq bul sózdi (Golovkınniń aılyǵyna qatysty) dalada júrgen adam emes, ákim bolǵan, sport salasyn basqarǵan, ómirin sportqa arnap kele jatqan sanaýly olımpıada chempıondarynyń biri aıtyp otyr. Maǵan bul aqparatty teriske shyǵar depti. Onyń bir joly suhbat. GGG maǵan suhbat bersin. Men bárine ashyqpyn. Tómende vaaptan kelgen hat», – deıdi jýrnalıst.

Hatta komıtet ókilderi Nurseıit Jylqyshybaıdan QR zańdaryn saqtaı otyryp, resmı túrde jalǵan aqparatty teriske shyǵarýdy suraǵan.

2004 jylǵy Olımpıada chempıony Baqtııar Artaev «Ýaqyt kórsetedi» YouTube-arnasyna bergen suhbatynda Ulttyq Olımpıada komıtetiniń prezıdenti Gennadıı Golovkınniń jalaqysy týraly aıtty.

Naqty bilmeımin, biraq Golovkınniń UOK-degi jalaqysy – 20-25 mıllıon teńge shamasynda, – dedi Artaev suhbatta.

Keıinnen Qazaqstan Respýblıkasy UOK bul aqparattyń shyndyqqa janaspaıtynyn resmı túrde málimdedi.

Gennadıı Golovkın prezıdenttik qyzmetti erikti negizinde atqarady. Onyń qyzmetine aqsha tólenbeıdi. Onyń motıvaııasynyń qarajatqa da, saıası mansapqa da qatysy joq. Eń aldymen onyń jumysy qazaqstandyq sportqa qoldaý kórsetýge, sondaı-aq, Qazaqstan UOK-tiń halyqaralyq sporttyq qoǵamdastyq aldyndaǵy bedelin nyǵaıtýǵa baǵyttalǵan, – degen málimdemede.

О́z qyzmetine kirisken boıda Gennadıı Golovkın UOK-tiń memlekettik bıýdjet aqshasyna úmittenbeıtinin ashyq aıtqan. Uıymnyń qyzmeti G. Golovkınniń qatysýymen tartylǵan demeýshiler qarajaty esebinen júzege asatynyn da habarlady.

Jalǵan aqparat taratýshylar QR zańyna sáıkes jaýapqa tartylatynyn, naqtylap aıtar bolsaq, QR QK 274 babyna saı qylmystyq jaýapkershilikke tartylatynyn eskerte ketken.

Ilmekter