بالاەۆا ونەر ادامدارىنىڭ زاڭسىز ارەكەتتەرىن سىنادى

بالاەۆا ونەر ادامدارىنىڭ زاڭسىز ارەكەتىن سىنادى, دەپ حابارلايدى qandastar.

مينيستر مادەنيەت ۇعىمىنا انىقتاما بەرىپ, بۇل ادامنىڭ ىشكى رۋحانياتى, حالىقتىڭ وركەنيەتتىك بولمىسى ەكەندىگىن ايتتى. ال سول تۋدى كوتەرىپ جۇرگەن ءاربىر مايتالمان ەلگە باعدار بولۋ كەرەكتىگىن جەتكىزدى.

“وكىنىشكە وراي, سوڭعى كەزدە مادەنيەت سالاسىنداعى بەلگىلى ازاماتتارعا قاتىستى جاعىمسىز وقيعالار, كەيدە ءتىپتى زاڭسىز ارەكەتتەر جيىلەپ كەتتى. ارينە, جەكە-دارا ادام رەتىندە, قاراپايىم ازامات رەتىندە كىمگە بولسا دا پەندەشىلىك ءتان قاسيەت. ادام بولعان سوڭ قاتەلەسۋىڭ مۇمكىن, بىراق ونىڭ ارتى زاڭدى اتتاۋعا بارماۋى ءتيىس. ءوزىن ناعىز “مادەنيەت قايراتكەرىمىن” دەيتىن جان ءۇشىن تانىمالدىق زاڭسىزدىققا جول بەرەتىن قۇدىرەت ەمەس.

مادەنيەت قايراتكەرلەرى زاڭ مەن ۇرپاق الدىنداعى وسىناۋ ۇلكەن جاۋاپكەرشىلىگىن ءتۇسىنۋى كەرەك. بۇل مەملەكەت باسشىسىنىڭ بارشا قازاقستاندىقتاردان تالاپ ەتىپ وتىرعان بىرەگەي ۇندەۋى. لاۋازىمىنا, تانىمالدىلىعىنا, قوعامداعى ورنىنا قاراماستان, زاڭ بارىنە ورتاق!”, – دەدى مادەنيەت ءمينيسترى.