«Balamdy tanı almadym»: Oralda tokqa túsip mert bolǵan balanyń anasy sumdyq derek aıtty

30 sáýir kúni keshkisin Oraldaǵy Isataı-Mahambet kóshesindegi №82 úıdiń mańynda qaıǵyly jaǵdaı oryn aldy. Kýágerlerdiń aıtýynsha, balanyń doby elektr symdaryna ilinip qalǵan. Ol dobyn almaq bolyp elektr qosalqy stanııasynyń shatyryna shyqqan. Artynsha balany toq soqqan. Bala oblystyq balalar aýrýhanasyna jetkizilgen.

Densaýlyq saqtaý basqarmasynyń málimetinshe, balanyń denesiniń 95 paıyzy kúıip, tórtinshi dárejeli kúıik alǵan. Dárigerler jaǵdaıyn asa aýyr dep baǵalaǵan. 1 mamyr kúni bala kóz jumdy. Polıııa bul oqıǵa boıynsha sotqa deıingi tergeýdi bastady.

9 jastaǵy Anýar Rahımovtyń anasy Tursyngúl Bısekenova bolǵan oqıǵanyń egjeı-tegjeıin aıtyp berdi. Ol 30 sáýir kúni balasyn mektepten alyp kelgenin, tamaq iship, kıimin aýystyrǵan soń, balasy kóshege oınaýǵa shyqqanyn aıtty.

«Saǵat 19:00-de shyqty, al 19:20-da úlken ulyma dostary telefon shalyp, «iniń qulap qaldy, jedel járdem shaqyryldy» dep habarlaǵan. Qulady dep oıladyq, biraq bulaı bolady dep eshkim kútpedi. Bárimiz dalaǵa júgirip shyqtyq. Balam jerde jatty. Denesi jalańash, túgeldeı kúıip ketken. Saý jeri qalmaǵan. Biraq ol kezde áli tiri edi», – deıdi balanyń anasy.

Anasynyń aıtýynsha, Anýar dostarymen birge fýtbol oınap júrgen. Dop elektr qosalqy stanııasynyń shatyryna túsip ketken.

«Balam sol qosalqy stanııa janyndaǵy aǵashqa súıenip, janynda turǵan aǵash taqtaı arqyly shatyrǵa shyqqan. Dopty teýip jerge túsirgen. Shatyrdan emes, ekinshi jaǵynan túspek bolǵan. 10 myń volttyq toq ótetin jerge aıaǵy ilinip, toqqa jalǵanǵan trosty ustap qalǵan. Qasynda bolǵan balalar aıqaılap, kómekke shaqyrǵan. Artynsha órt shyǵyp, balam kúıip qalǵan», – deıdi Tursyngúl Bısekenova.

Alǵashqylardyń biri bolyp kómekke bir er adam ony jerge túsirip, kıimderin sheshýge tyrysqan.

«Búkil denesi qara kúıe boldy. Dalaǵa júgirip shyqtym, óz balamdy tanı almadym. Janushyra tek kómek kórsetýdi, aýrýhanaǵa jetkizýdi suradym», – deıdi anasy.

Dárigerler onyń ómiri úshin eki kún kúresken. Birinshi kúni onyń oń qoly men oń aıaǵyn kesýge týra kelgen. Al ekinshi kúni keshki saǵat 22:30-da bala kóz jumdy.

Anasynyń aıtýynsha, kópqabatty úıdiń aınalasynda qaýipsizdik erejeleri saqtamaǵanyn aıtty.

«Úıdiń aldynda buryn oıyn alańy bolǵan. Eresekteý balalar ol jerde oınaı almaıdy. О́ıtkeni alańsha tek kishkentaı balalarǵa arnalǵan. Al úlkenirek balalarǵa oınaıtyn jer joq. Olar úıdiń artynda, qoqys jáshikteriniń janynda, qoldan jasalǵan qaqpalarmen fýtbol oınaıdy. Ol jer qorshalýy kerek edi. Tym bolmasa tórt metrlik tor ornatyp qoıý kerek bolatyn. Nemese qosalqy stanııany qorshaý kerek edi», – dedi balanyń anasy.

Tursyngúl Bısekenova memlekettik organdardyń nemquraılylyǵyna ashýly.

«Memlekettik organdar qaıda qarap otyr? «Gorsvet» qaıda? TJ qyzmeti qaıda? Janynda turǵan aǵashtyń ústinde symdar ilinip tur. Naızaǵaı tússe, búkil úı janyp ketýi múmkin. Men buny jaıyna qaldyrmaımyn. Bireý bul úshin jaýap berýi kerek. Biz salyq tóleımiz, KSK-ǵa aqsha tóleımiz. Bul aǵashty kesip tastaý kerek edi. Bárine báribir», – deıdi Tursyngúl Bısekenova.