«Balany satyp jiberýi de múmkin»: Shý aýrýhanasynda qaıtys bolǵan júkti áıeldiń jaqyndary dabyl qaqty

Foto:Ábilqasym Esentaev/Azattyq Ruhy

Júkti áıeldiń denesin aýrýhananyń jertólesinen taýyp alǵan jaqyndary jýrnalıst Rýslan О́tepbaıǵa suhbat berdi, dep habarlaıdy qandastar.kz

Marqumnyń ata-anasy men jubaıy medıına qyzmetkerleriniń salǵyrttyǵyna narazy. Olardyń aıtýynsha, dárigerler der kezinde kómek kórsetpeı, kelinshektiń ómirin saqtap qalýǵa múmkindik bolmaǵan. 25 jastaǵy Ádemi esimdi áıel júktiliginiń 33 aptasynda Shý qalalyq aýrýhanasyna túsken.

Jaqyndarynyń sózinshe, 9 naýryz kúni ol aýrýhananyń ájethanasynda esinen tanyp qulap qalǵan. Dárigerler sol kúni tańerteń onyń qursaǵyndaǵy balasyn alyp tastaǵan. Alaıda ózi esin jımastan, 22 naýryzda qaıtys bolǵan. Marqumnyń týystary ony esinen tanǵannan keıin uzaq ýaqyt boıy qaraýsyz qaldyrǵanyn aıtady. Eń soraqysy – máıitti kúıeýi belgisiz bir bólmeden tapqan.

Skifnews.kz jazǵandaı, jeli qoldanýshylary bala tiri bolyp, ony satyp jiberýi de múmkin degen boljamdaryn jarysa jazýda.