«Basynan atyp, denesin kanalǵa laqtyryp ketken»: Qyzylordada dárigerdiń máıiti tabyldy

Foto: Vıdeodan skrın

Qyzylorda qalasynyń irgesinde 31 jastaǵy medıına qyzmetkeriniń máıiti tabyldy. Marqumnyń jaqyndary atpaldaı azamatqa birneshe adam jabylyp, basynan oq atqanyn aıtty. Bul týraly Azattyq Rýhy agenttigi «Informbıýro» agenttigine silteme jasap habarlaıdy.

Marqumnyń týystarynyń aıtýynsha, qandy qylmysqa qatysy bar adamdar áli bostandyqta júr. Onyń ústine jigittiń kóz jumǵanyna 3 kún ótse de, tergeýshilerden birde-bir habar joq deıdi. Tergeý ádil júrip jatqanyna kúmándanǵan otbasy talaptaryn aıtyp, polıııa basqarmasyna bardy.

Onkologııalyq aýrýhanada jumys istegen Naýryzbek Tursynov ótken dúısenbide tún ishinde telefonyna qońyraý kelgen soń úıinen asyǵys shyǵyp ketken, deıdi marqumnyń jaqyndary. Ol sol ketkennen oralmapty. Sodan keıin týystary polıeılerge habar berip, ózderi jappaı izdeýge kirisken. Aqyr sońy asqan qatygezdikpen óltirilgen medıına qyzmetkeriniń máıitin qala shetindegi arnanyń jaǵasynan tapqan.

«Qazir keledi dep jattym. Saǵat 4 boldy. Tursam, qasymda joq. Myna kisi áli kelmegen be dep, mashınasyna qaradym. Mashınasy ol joq. 4-5 adamdy jaldaǵan. Basynan eki oqpen atqan. Asqan qatygezdikpen óltirgenimen qoımaı, qasyndaǵy kanalǵa laqtyryp ketken denesin», – deıdi marqumnyń jubaıy Ulpan Nurlybaeva.

Qaıǵydan qan jutqan otbasy Naýryzbekti óziniń tanystary óltirgenine senimdi. Aıtýlarynsha marqum ózine jaqyn adam sanaıtyn jigitpen sońǵy kúnderi aqshaǵa baılanysty biraz túsinise almaı júrgen. Sondyqtan 31 jastaǵy azamattyń ólimine osy kelispeýshilik sebep dep sanaıdy.

«Birneshe adam, joq degende 4-5 adamnyń qatysy bar. Sol adamdardyń báriniń tabylyp, qatań jazamen sottalýyn talap etemiz», – dedi marqumnyń ákesi Asylhan Daýylbekov.

Onyń ústine tergeýdiń ádil júrip jatqanyna da kúmándanady jábirlenýshiler. О́ıtkeni tergeýshiler marqumnyń jaqyndaryna birde-bir ret kelip jaýap almapty. Sondyqtan narazylyq bildirgen otbasy polıııa basqarmasyna ózderi kelip talaptaryn aıtty.

«Qylmystyq is QR qylmystyq kodeksiniń 99-babynyń 2-bóligimen is tirkeldi. Asa aýyr qylmys. Eki adam osy ispen qamaýǵa alyndy. Qalǵan málimetter qylmystyq proestik kodekstiń 2-bóligine saı jarııa etilmeıdi», – deıdi Qyzylorda qalalyq polıııa basqarmasy basshysynyń orynbasary Ǵalymjan Tabynbaı.

Belgili bolǵandaı, is «adam óltirý» baby boıynsha tergelip jatyr. Al marqumnyń jaqyndary istiń aq-qarasy anyqtalyp, kináliler qatań jazalanǵanyn qalaıdy.

Aıta keteıik, Naýryzbek Tursynovtyń artynda kámelet jasyna tolmaǵan úsh balasy men jary qaldy.