Jańalyqtar
«Basyńyzǵa qatty dop tıgen be?!». Fýtbolshy Nuraly Álip qazaqsha suraq qoıǵandardy shettettip, synǵa ushyrady
Foto: ashyq derekkóz
Qazaqstandyq fýtbolshy Nuraly Áliptiń memlekettik tilde suraq qoıǵan jýrnalısti synap, «haıp jasaǵysy keldi» degen málimdemesi kópshiliktiń ashýyn týǵyzdy. Ol qazaq tilinde suraq qoıǵan jýrnalısterge jaýyǵyp, eldik múddeni aıaqqa taptamaq boldy, dep habarlaıdy qandastar.kz Alash.KZ ulttyq portalyna silteme jasap.
Bul jaıly belgili sport jýrnalısi Aslan Qajenov jazdy:
Qazaqsha suraq qoıý haıp pa?!Qazaqstandyq fýtbolshy Nuraly Áliptiń málimdemesi qazir áleýmettik jelide qyzý talqylanyp, kópshiliktiń ashýyn týǵyzdy. Ol Ulttyq quramanyń bas bapkeri Stanıslav Cherchesovqa qazaqsha suraq qoıǵan jýrnalısti «haıp jasaǵysy keldi» – deıdi. Buǵan qosa, «Qazaqstandaǵy tilshilerdiń bári oryssha biledi» – dep, taǵy qoıyp qaldy. Bunyń barlyǵyn Reseıdegi podkast alańda aıtyp otyr.Nureke, sizge ne boldy? Basyńyzǵa qatty dop tıgen be? Qazaqstandaǵy baspasóz máslıhatynda qazaq tilinde suraq qoıý rasymen haıp pa? Endi ne isteımiz? О́ziń de «Zenıtke» aýysqan alǵashqy kúnderi oryssha suraqqa qazaqsha ǵana jaýap berip ediń ǵoı. Sol kezde saǵan «haıp jasady» demedik. Kerisinshe, memlekettik tildiń mártebesin arttyrdy dep qýandyq. Al, endi óz elimizde óz tilimizde suraq qoıǵanymyzdy tómen kórip otyrsyń.Buny qalaı túsinsek bolady? Álde, tek qasyńdaǵy ana ekeýine jaǵý úshin solaı sóılediń be? «О́z ulyńdy bóten úıden toıdyrma» – deıtin naqyl sóz bar edi. Toıynǵanyń ba? Qazir jep otyrǵan nanyńdy, qazirgi taýyp otyrǵan tabysyńdy memlekettik tilden, onyń arǵy jaǵynda, ult múddesinen joǵary qoıǵanyń ba? Eldiń aldynda jaýabyńdy keńirek túsindirýińdi talap etemin… -dedi jýrnalıst.
