«بولاشاق» باعدارلاماسى ۇلت مۇددەسىنە ەمەس, قالتالىلاردىڭ بالالارىنا قىزمەت ەتىپ وتىر» – جازۋشى روزا مۇقانوۆا

اڭگىمە قاراپايىم سۇحبات كەزىندە تۋىنداعان.  كوميسسيادا بەس مۇشە بولعان.

ءسىز نە ءۇشىن «بولاشاق» باعدارلاماسىمەن بارعىڭىز كەلەدى? نەلىكتەن امەريكانى تاڭدادىڭىز? ورالعان سوڭ قانداي جۇمىسپەن اينالىساسىز دەگەن قاراپايىم سۇراقتار قويىلدى. ءبىر ەسكەرەتىن ءجايت, سۇحباتتىڭ جارتىسىنان كوبى ورىس تىلىندە ءوتتى. مەن بۇعان دەيىن ورىس ءتىلىن كەرەمەت مەڭگەرگەنمىن دەپ ويلايتىنمىن. سۇراق-جاۋاپ سوڭىنا تامان كوميسسيا مۇشەسىندەگى كوزاينەكتى ايەل كىسى «ۆى رازگوۆاريۆاەتە نا رۋسسكوم س اكتسەنتوم. ۆى بۋدەتە پوزوريت كازاحستان» دەپ تۋرا وسىلاي ايتتى. وعان جاۋاپ رەتىندە بۇل نارسە مەنىڭ شەتەلدە وقۋىما ەشقانداي كەدەرگى كەلتىرمەيدى دەدىم, – دەيدى ول.

جاسۇلان ورىس ءتىلى انا ءتىلى ەمەس ەكەنىن, بىراق  ول ءتىلدى  جەتىك مەڭگەرگەنىن,  اكادەميالىق دەڭگەيدە ويىن جەتكىزە الاتىنىن ايتقان.

ۇمىتكەردىڭ سوزىنشە, كوميسسيا مۇشەلەرى اعىلشىن ءتىلىن ەمەس, ورىس ءتىلىن ماڭىزدى ساناعان. بۇل تۇستا تاعى ءبىر باستى ماسەلە بار.

مەن «بولاشاق» ستيپەندياسىنا دايىندايتىن ۇيىم ارقىلى تاپسىردىم. مەنىڭ توبىمدا توعىز ادام بولدى.  قاتارىمداعى  ۇمىتكەرلەردىڭ ىشىندە اعىلشىن ءتىلىن ەڭ جەتىك مەڭگەرگەنى مەن ەدىم. اعىلشىنشاسى جۇيرىك ادامدى ەمەس ورىس ءتىلىن بىلگەندەردى وتكىزدى. بۇل جەردە ويلاندىراتىن ەڭ ماڭىزدى ماسەلە وسى.  الداعى ۋاقىتتا ءدال وسى سۇراۋعا جاۋاپ تالاپ ەتپەكپىن, – دەيدى ول.

جاسۇلان تەمىرباەۆ قازاق ورىس تىلىندە اكتسەنتسىز سويلەۋ كەرەك دەگەندى العا تارتىپ تۇرعانى شامىنا تيەتىنىن جەتكىزدى.

ال, تىلگە قاتىستى تەمىرباەۆتىڭ داۋى جونىندە مينيسترلىك ەشقانداي اقپارات بەرمەدى.