«بۇرىن كۇزەتشى بولعان»: مىرزابوسىنوۆ قالاي مينيستر بولدى?

فوتو: اشىق دەرەككوز

جاڭادان تاعايىندالعان تۋريزم جانە سپورت ءمينيسترى ەربول مىرزابوسىنوۆ 40 جاسىندا قالاي ۆەدومستۆو باسشىسى بولعانىن ايتتى, – دەپ حابارلايدى qandastar.kz.

بۇعان دەيىن جەلىدە ءمينيستردىڭ بۇرىن كۇزەتشى بولعانى تۋرالى حابار تاراعان ەدى. بىراق مىرزابوسىنوۆ مۇنىڭ قاۋەسەت ەكەنىن العا تارتتى.

«بۇل اقپارات شىندىققا جاناسپايدى. تۇيىندەمەمدى تالداساڭىزدار, ەڭبەك جولىم قاراپايىم مەكتەپ مۇعالىمىنەن باستالدى, ۋنيۆەرسيتەتتە وقىتۋشىلىقپەن اينالىستىم. جاتتىقتىرۋشى, سپورتشى بولدىم. سودان كەيىن ءبىلىم بەرۋ سالاسىندا جۇمىس ىستەي باستادىم, سپورت مەنەدجمەنتى بويىنشا دوكتورلىق ديسسەرتاتسيا قورعادىم», – دەدى مينيستر.

ەسكە سالا كەتەيىك, جاقىندا مەملەكەت باسشىسىنىڭ جارلىعىمەن ەربول مىرزابوسىنوۆ تۋريزم جانە سپورت ءمينيسترى لاۋازىمىنا تاعايىندالدى. اقپان ايىنان بەرى وسى قىزمەتتى اتقارىپ كەلگەن ەرمەك مارجىقپاەۆ 31 تامىز كۇنى جۇمىستان بوساتىلعان ەدى.