دەنە ءپىشىنى بۇزىلعان, تولىق ىسىنگەن, قارايعان: اقتاۋدا ارالاس جەكپە-جەك شەبەرىنىڭ ءمايىتى تابىلدى

فوتو: lada.kz

عالامتوردا اقتاۋداعى 3-ءشى شاعىن اۋداننان تابىلعان ەر ادامنىڭ دەنەسى تۋرالى اقپارات تاراپ كەتتى, دەپ حابارلادى Qandastar.kz. Lada.kz سىلتەمە جاساپ. تابىلعان ەر ادام بۇرىن ءتۇرلى تۋرنيرلەرگە قاتىسقان جەكپە-جەك شەبەرى ەكەنى انىقتالدى.

WhatsApp مەسسەندجەرىندە 3-ءشى شاعىن اۋدانىنداعى قوقىس كونتەينەرلەرىنىڭ جانىنان دەنەسى تابىلعان ارالاس جەكپە-جەك سپورتشىسى ۆۋسال جافاروۆتىڭ سۋرەتتەرى تارادى. ونىڭ دەنە ءپىشىنى بۇزىلىپ, تولىق ىسىنگەن, قارايىپ كەتكەنى كورىنەدى.

پوليتسيا دەپارتامەنتى اقپاراتتى راستادى. ءمايىت ءبىر كۇن بۇرىن, ياعني 20 قىركۇيەكتە تابىلعان.

– تابىلعان ءمايىت بويىنشا سوتقا دەيىنگى تەرگەۋ باستالدى. ساراپتاما تاعايىندالدى. تەرگەۋ جالعاسىپ جاتىر. باسقا مالىمەتتەر تەرگەۋ مۇددەسى ءۇشىن جاريالانبايدى, – دەلىنگەن ۆەدومستۆو مالىمدەمەسىندە.

قولدانۋشىلار ۆۋسال جافاروۆتى ۇرىپ-سوعىلعانىن, سونىمەن قاتار دەنەسى كوشەدە بىرنەشە كۇن بويى جاتىپ قالعانىن جازۋدا.

اشىق اقپارات كوزدەرىنە سۇيەنسەك, ۆۋسال جافاروۆ 1994 جىلى 10 قاڭتاردا دۇنيەگە كەلگەن. كاسىبي مانسابىن 2015 جىلى باستادى. ول ءتورت جەكپە-جەك وتكىزىپ, بىرەۋىندە جەڭىسكە جەتىپ, ۇشەۋىندە جەڭىلگەن.