Depýtat qoǵamnyń bolashaǵyna alańdaıtynyn aıtty

Foto: ashyq derekkóz

Májilis depýtaty Rınat Zaıytov qazaq qoǵamynyń bolashaǵy alańdatatynyn aıtyp, usynys jasady, dep habarlaıdy qandastar.kz

30 jylda ketken kemistikterge nazar aýdarmasaq, erteńimizge apat bolyp kelýi ábden múmkin. О́kinishke qaraı, qazirgi qazaq qoǵamy óte úlken jyldamdyqpen rýhanı daǵdarysqa ushyrap barady. Kún saıyn elimizdiń ár túpkirinde bir otbasy buzylyp, bir oqýshy zábir kórip, bir adam kisi qolynan qaza taýyp, bireý para alyp, bireý ózine qol jumsap, bireý alaıaqqa jem bolyp jatady. Mundaı mysaldar taýsylmaıdy. Búgingi qazaq qoǵamy týǵanǵa tasbaýyr, jaqynǵa jaý, dosyna dushpan bolyp ketti, — dep aıtty Zaıytov.
Depýtat ózimshildik pen menmendik qoǵamnyń basty indeti bolyp turǵanyn jetkizdi.

Búgin oılanbasaq, erteń kesh bolmaq. Sondyqtan, keshiktirmeı ıdeologııalyq tárbıe jumysyn kúsheıtýdi bastaý kerek, — dep esepteıdi ol.