Dımash Qudaıbergen shekarashylarmen kezdesti

Áıgili ánshi Dımash Qudaıbergen Ulttyq qaýipsizdik komıtetiniń Shekara akademııasyna baryp, kýrsanttarmen kezdesti

Ony akademııa bastyǵynyń birinshi orynbasary, polkovnık A. Ismaılov jáne basshylyq quram kútip aldy.

Ánshige zal toly kórermender kókeıdegi saýaldaryn qoıdy.

Shekarashylardyń qara qazanyna aınalǵan qara shańyraqtaǵy qyzyqty kezdesýde kýrsanttardyń biri oǵan shekarashylardyń jasyl kúnqaǵarly fýrajkasyn syıǵa tartsa, endi biri Aleksandr Bektiń «Arpalys» atty kitabyn tartý etti.

Kezdesý barysyndaǵy qyzyqty áńgimeni muqııat tyńdaǵan kýrsanttar men áskerı qyzmetshiler mundaı qaıtalanyp kelmes tarıhı sátti qalt jibermeı, kezek-kezek estelikke sýretke tústi.

Dinmuhammed (Dımash) Qanatuly Qudaıbergen, 1994 jyly 24 mamyrda Aqtóbe qalasynda Qazaqstan Respýblıkasynyń mádenıet qaıratkerleri Qanat Qudaıbergenuly men Svetlana Aıtbaevanyń otbasynda dúnıege kelgen.

Dımashtyń ata-anasy –tanymal ánshiler Qanat jáne Sveta Aıtbaevtar. Dımashtyń ákesi Qanat Aıtbaev oblystyq fılarmonııa basshysy bolsa, anasy Svetlana Aıtbaeva – oblystyq máslıhat depýtaty. Dımashtyń ata-ájeleri de óner adamdary.