جاڭالىقتار
ەكى بالا تەرەزەدەن قۇلاپ كەتتى: تجم قازاقستاندىقتارعا ۇندەۋ جاسادى
تجم اقپاراتىنشا, ءبىرىنشى جاعداي قاراعاندى وبلىسىنىڭ شاحتينسك قالاسىندا بولدى. 5 قاباتتى تۇرعىن ءۇيدىڭ ەكىنشى قاباتىنداعى پاتەردىڭ تەرەزەسىنەن ەكى جاسار قىز بالا قۇلاپ تۇسكەن. جاراقات العان بالا اۋرۋحاناعا جاتقىزىلعان. ال ەكىنشى جاعداي سەمەيدە بولعان. وندا 3 جاسار قىز بالا ەكىنشى قاباتتاعى پاتەردىڭ تەرەزەسىنەن قۇلاپ, اۋىر جاعدايدا اۋرۋحاناعا جاتقىزىلعان. ەكى جاعدايدا دا بالالار ەرەسەكتەردىڭ قاراۋىنسىز قالعان. وسىعان بايلانىستى تجم قازاقستاندىقتارعا ەسكەرتۋ جاسادى: كىشكەنتاي بالالاردى قاراۋسىز قالدىرماڭىز; ەشقاشان موسكيت تورلارىنا سەنبەڭىز. ولار قۇلاۋدان قورعاۋعا ارنالماعان; بالالارعا ەرەسەكتەردىڭ قاراۋىنسىز بالكونعا شىعۋعا رۇقسات بەرمەڭىز.
