جاڭالىقتار
ەلدىڭ كليماتى جەل ەلەكتر ستانتسيالارىن سالۋعا قولايلى – الماسادام ساتقاليەۆ
قازاقستان جاڭارتىلاتىن ەنەرگيا كوزدەرى سەكتورىن دامىتۋدا ايتارلىقتاي الەۋەتكە يە. بۇل تۋرالى ەنەرگەتيكا ءمينيسترى الماسادام ساتقاليەۆ ايتتى,
«جەر كولەمى جاعىنان الەمدە توعىزىنشى ورىن الاتىن قازاقستان جاڭارتىلاتىن ەنەرگيا كوزدەرى سەكتورىن دامىتۋ ءۇشىن ايتارلىقتاي الەۋەتكە يە. ەلدىڭ كەڭ اۋماعى جەل, كۇن جانە گيدروەنەرگەتيكانى دامىتۋدىڭ, زاماناۋي تەحنولوگيالاردى ەنگىزۋدىڭ جانە ورنىقتى دامۋدىڭ جوعارى الەۋەتىنە يە. رەسپۋبليكادا تاياۋ ۋاقىتتا جەل گەنەراتسياسىن دامىتۋ بويىنشا الەمدە كوشباسشى پوزيتسياعا يە بولۋدىڭ بارلىق مۇمكىندىگى بار», — دەدى ۆەدومستۆو باسشىسى سەناتتا وتكەن پارلامەنتتىك كوميسسيا وتىرىسىندا.
سوزىنشە, قازاقستانىڭ كليماتى جەل ەلەكتر ستانتسيالارىن سالۋعا قولايلى.
«ساراپتامالىق باعالاۋلارعا سايكەس, ەلدەگى جەل ەنەرگەتيكاسىنىڭ ەنەرگەتيكالىق الەۋەتى جىلىنا كەمىندە 920 ملرد كۆت/ساع قۇرايدى. بۇل رەتتە كاسپي ءوڭىرى, وڭتۇستىك ءوڭىر, سونداي-اق ەلدىڭ وڭتۇستىك-شىعىسىندا ورنالاسقان شەلەك ءدالىزى مەن جوڭعار قاقپاسى جەل ەنەرگياسىنىڭ ەڭ جوعارى الەۋەتىنە يە», — دەپ جالعاستىردى ساتقاليەۆ.
بۇدان باسقا مينيستر كۇن ەنەرگياسىنىڭ الەۋەتىنە دە توقتالدى.
«ەلدىڭ وڭتۇستىك ايماقتارىندا بۇل جىلىنا شامامەن 2200-3000 كۇن ساعاتى. كۇن گەنەراتسياسىن ورنالاستىرۋدىڭ ەڭ قولايلى اۋداندارىنا ارال ءوڭىرى مەن قازاقستاننىڭ وڭتۇستىك وبلىستارى جاتادى», — دەدى ەنەرگەتيكا ءمينيسترى الماسادام ساتقاليەۆ.
